Matius 11:19 - Perjanjian Baru Bahasa Melayu Maluku Utara

¹⁹ Kong skarang, Kita Anak Manusia so datang. Kita tara bapuasa deng Kita me jaga minum anggur. Kong orang-orang bilang kata, ‘Coba lia! Orang ini golojo deng pangbaminum. Dia me jaga batamang deng tukang tagi pajak deng orang-orang berdosa laeng.’ Tapi biar ngoni tara tarima pa Kita deng Yohanes, Tuhan Allah pe hikmat akan ngoni lia waktu orang-orang yang iko Tuhan pe ajaran kase tunju kalakuang yang bae.”

Matius 11:19 ပူးပေါင်းရင်းမြစ်များ

Matius 5:46

Kalu ngoni cuma sayang pa orang yang sayang pa ngoni, apa yang ngoni mo dapa? Jang ngoni baharap Tuhan Allah mo kase apa-apa pa ngoni. Tukang tagi pajak yang paling berdosa me sayang pa orang yang sayang pa dorang.

Lukas 14:1

Satu kali pas hari Sabat, hari yang orang agama Yahudi tara bole bakarja, Yesus pigi makang di orang aliran Farisi pe pemimpin satu pe ruma. Aliran Farisi itu yang pegang kuat agama Yahudi pe aturan sampe dorang jadi fanatik. Di situ, samua orang perhatikan turus pa Yesus untuk cari-cari Dia pe sala.

Lukas 19:7

Waktu samua orang lia itu, dorang mulai bafeto, dorang bilang, “Cis, Yesus itu pigi batamu di orang berdosa pe ruma tu!”

Lukas 7:29

Samua orang yang dengar apa yang Yesus bilang itu, termasuk tukang tagi pajak, dorang mangaku Tuhan Allah itu butul, karna dorang so dapa baptis dari Yohanes.

Yohanes 2:2

Yesus deng Dia pe murit-murit dapa undang maso di pesta kawing itu.

Roma 15:2

Tapi masing-masing orang dari torang musti biking yang bae pa orang laeng yang percaya, supaya dorang pe percaya pa Tuhan lebe tamba kuat.

Wahyu 7:12

Dorang bilang bagini, “Amin! Mari torang puji pa Tuhan Allah. Dia pe kuasa yang luar biasa deng Dia yang paling tau samua. Torang me bilang tarimakasi, deng hormati pa Dia. Dia itu torang pe Tuhan Allah yang berkuasa deng kuat sampe slama-lamanya! Amin.”