Matius 11:14 - Perjanjian Baru Bahasa Melayu Maluku Utara

¹⁴ Kong di situ ada kase tau, nabi Elia mo datang ulang. Jadi kalu ngoni mau tarima, nabi Elia yang dong bilang mo datang itu, itu Yohanes suda.

Matius 11:14 ပူးပေါင်းရင်းမြစ်များ

Matius 11:13

Barang, waktu Yohanes bolong datang, di samua aturan yang ada di lima kitab Musa deng di kitab-kitab yang nabi-nabi tulis, so kase tau tentang apa yang Tuhan Allah bilang mo jadi skarang ini.

Lukas 1:17

Ana itu nanti pe kuasa basar sama deng nabi Elia dulu, karna Roh Kudus so kuasai pa dia. Kong dia mo datang kamuka sebelum Tuhan datang. Dia mo biking orang tua laki-laki pe hati baku bae deng dong pe ana-ana. Dia me akan biking orang yang malawang Tuhan Allah pe parenta jadi orang yang jaga biking barang yang butul. Deng bagitu, dia mo kase siap orang-orang supaya jadi pantas untuk jadi Tuhan Allah pe umat.”

Yohanes 16:12

Masi banya lagi yang Kita mo bilang pa ngoni, tapi skarang ngoni bolong mampo mangarti.

1 Korintus 3:2

Ana kacil yang baru lahir masi perlu aer susu, bolong mampo tarima makanang karas, to? Bagitu lagi deng ngoni, dulu kita kase ajar pa ngoni ajaran yang gampang orang mangarti, bukang ajaran yang cuma orang yang dong pe percaya so kuat saja bisa mangarti, karna waktu itu ngoni bolong mampo tarima ajaran macam itu. Kong skarang, ngoni me masi bolong mampo tarima ajaran itu.

Wahyu 20:4

Turus kita lia ada kursi-kursi raja. Orang-orang yang dudu di kursi raja itu, orang-orang yang dapa kuasa untuk adili pa manusia. Kita me lia roh-roh dari orang-orang yang dulu dapa potong kapala kong mati karna dorang kase tau tentang Yesus deng Tuhan Allah pe firman. Orang-orang itu tara perna semba pa binatang jahat deng dia pe patong, jadi dorang me tara perna dapa binatang itu pe cap di dong pe testa deng di dong pe tangan. Tuhan Allah kase hidup ulang pa dorang, turus dong berkuasa sebagai raja sama-sama deng Yesus Kristus selama saribu taong.