Matius 10:6 - Perjanjian Baru Bahasa Melayu Maluku Utara

⁶ Tapi ngoni pigi suda pa torang pe sudara orang-orang Israel, barang dorang so tara iko lagi pa Tuhan Allah, sama deng domba yang ilang jalang.

Matius 10:6 ပူးပေါင်းရင်းမြစ်များ

Matius 18:10

Yesus bilang lagi, “Inga bae-bae, jang ngoni pandang enteng pa orang biasa-biasa yang sama deng ana-ana kacil ini, karna orang-orang itu ada dong pe malaekat yang salalu ada deng Tuhan Allah di sorga. [

Matius 18:11

Karna Anak Manusia yang dari sorga datang di dunia untuk kase slamat pa orang-orang berdosa.]”

Lukas 24:47

Deng nanti Kita pe umat mo bawa Kabar Bae pake Kita pe nama pa samua suku bangsa di dunia supaya dorang bertobat dari dorang pe dosa kong Tuhan Allah mo kase ampun pa dorang. Kong dorang mo kase tau Kabar Bae itu pa orang-orang, mulai dari kota Yerusalem.

Kisah Para Rasul 13:46

Tapi Paulus deng Barnabas barani skali mangada pa orang-orang itu kong bilang, “Memang Tuhan Allah yang suru la torang kase tau kamuka Tuhan Allah pe firman pa orang-orang Yahudi. Tapi ngoni tara mau percaya, jadi deng bagitu, ngoni so nilai ngoni pe diri tara pantas mo dapa hidup deng Tuhan Allah slama-lamanya. Jadi, skarang torang mo pigi pa orang-orang yang bukang Yahudi supaya mo kase tau Tuhan Allah pe firman itu.

Kisah Para Rasul 18:6

Tapi orang-orang Yahudi itu tara suka yang Paulus bilang itu, kong dorang tantang deng hina pa dia. Karna itu, Paulus kase kabas abu dari dia pe baju, itu tanda dia so tara mo bapusing lagi deng dorang. Kong Paulus bilang, “Nanti ngoni sandiri yang mo tanggung hukuman dari Tuhan Allah, barang ngoni tara percaya Yesus itu Raja yang Tuhan Allah janji mo kase slamat pa manusia. Kita pe tugas mo kase tau Kabar Bae tentang Yesus Kristus pa ngoni so selesai. Karna itu, kita so tara mo tanggung jawab lagi pa ngoni. Jadi mulai skarang, kita mo pigi pa orang-orang yang bukang Yahudi la mo kase tau pa dorang Kabar Bae itu.”

Kisah Para Rasul 26:20

Kita pi kase tau kamuka pa orang-orang Yahudi di Damsyik supaya dorang bertobat kong bale pa Tuhan Allah. Deng dorang musti biking hal-hal yang bae untuk kase tunju dorang butul-butul so bertobat. Abis itu, kita pi kase tau di kota Yerusalem sampe deng di samua tampa laeng di daera Yudea. Kita me ada kase tau samua itu pa orang-orang yang bukang Yahudi.

Kisah Para Rasul 3:26

Kong skarang, Tuhan Allah so utus Yesus kamuka pa ngoni orang-orang Yahudi. Dia itu Tuhan Allah pe Orang yang jaga biking apa yang Dia suru, kong Dia itu yang jadi berkat supaya ngoni masing-masing bole kase tinggal ngoni pe kalakuang yang jahat.”

1 Petrus 2:25

Karna ngoni dulu tara iko pa Tuhan, sama deng domba yang ilang, tapi skarang ngoni so bale iko pa Tuhan, Dia itu yang jaga bae-bae pa ngoni pe jiwa sama deng gembala yang jaga bae-bae dia pe domba.