Matius 10:40 - Perjanjian Baru Bahasa Melayu Maluku Utara

⁴⁰ Yesus bilang lagi, “Sapa yang tarima pa ngoni yang percaya pa Kita, itu berarti dia so tarima pa Kita. Kong sapa yang tarima pa Kita, dia me so tarima pa Tuhan Allah yang utus pa Kita.

Matius 10:40 ပူးပေါင်းရင်းမြစ်များ

Matius 18:5

Kong sapa yang tarima pa orang biasa-biasa saja sama deng ana kacil ini karna orang itu percaya pa Kita, itu berarti dia so tarima pa Kita.”

Matius 25:40

Kong nanti Raja itu akan bilang pa dorang bagini, ‘Inga bae-bae yang Kita bilang pa ngoni ini, samua yang ngoni biking untuk tolong pa satu orang dari Kita pe sudara-sudara yang orang anggap tara penting, itu sama deng ngoni so biking untuk Kita.’

Matius 25:45

Kong Dia akan jawab pa dorang bagini, ‘Inga bae-bae yang Kita bilang pa ngoni ini, tiap kali ngoni tara mau tolong pa satu dari Kita pe sudara yang orang anggap tara penting, itu sama lagi deng ngoni tara mau tolong pa Kita.’ ”

Markus 9:37

“Sapa yang tarima pa orang biasa-biasa saja sama deng ana kacil ini karna orang itu percaya pa Kita, itu sama deng dia so tarima pa Kita. Deng bukang cuma tarima pa Kita, tapi dia me so tarima pa Tuhan Allah yang utus pa Kita.”

Lukas 10:16

Abis itu, Yesus babale bilang ulang pa orang-orang yang ada iko pa Dia, “Orang yang dengar pa ngoni, itu sama saja deng dia dengar pa Kita. Orang yang tolak pa ngoni, dia itu me so tolak pa Kita. Sapa tolak pa Kita, dia itu me so tolak pa Tuhan Allah yang utus pa Kita.”

Lukas 9:48

Turus, Dia bilang pa dorang, “Sapa yang tarima pa orang biasa-biasa saja sama deng ana kacil ini karna orang itu percaya pa Kita, itu sama deng dia so tarima pa Kita. Deng sapa yang tarima pa Kita, dia me tarima pa Tuhan Allah yang utus pa Kita. Karna sapa yang anggap dia pe diri biasa-biasa saja dari antara ngoni, dia itu suda yang Tuhan Allah anggap paling hebat.”

Yohanes 13:20

Inga bae-bae yang Kita bilang ini. Sapa saja yang tarima pa orang-orang yang Kita utus, itu berarti dia so tarima lagi pa Kita. Kong sapa saja yang tarima pa Kita, itu berarti orang itu so tarima pa Bapa yang utus pa Kita.

Yohanes 20:21

Kong Yesus bilang ulang pa dorang, “Tuhan Allah biking ngoni hidup deng hati tenang! Kita pe Bapa so utus pa Kita, bagitu lagi Kita utus pa ngoni skarang.”

Yohanes 5:23

Bapa kase tugas itu pa Dia pe Anak supaya samua orang hormati pa Bapa pe Anak sama deng dorang hormati pa Bapa. Sapa saja yang tara hormati pa Dia pe Anak, dia lagi tara hormati pa Bapa yang utus pa Dia pe Anak itu.

2 Korintus 5:20

Jadi torang biking tong pe tugas itu, Yesus Kristus yang utus pa torang. Torang kase tau tentang Dia, itu sama deng Tuhan Allah sandiri yang bicara pa ngoni pake torang pe kata-kata. Deng Yesus Kristus pe kuasa, tong dua minta supaya ngoni kase ngoni pe diri suda pa Tuhan Allah la Dia biking ngoni pe hubungan jadi bae-bae ulang deng Dia.

Galatia 4:14

Waktu itu, kita ada saki sadiki barát sampe kita pe badan yang saki ini jadi beban pa ngoni, tapi ngoni tara perna hina atau tolak pa kita. Ngoni tarima pa kita sama deng kita ini Tuhan Allah pe malaekat. Ngoni sambut pa kita sama deng kita ini suda Kristus Yesus.

1 Tesalonika 4:8

Jadi sapa yang tara tarima ajaran ini, dia bukang cuma tara tarima manusia pe kata-kata, tapi dia lagi tara tarima pa Tuhan Allah yang so kase Dia pe Roh Kudus pa ngoni.

2 Yohanes 1:9

Tiap orang yang so tara iko Yesus Kristus pe ajaran, kong iko ajaran laeng, dia itu so tara hidup satu hati deng Tuhan Allah. Tapi orang yang iko Yesus Kristus pe ajaran, dia itu so hidup satu hati deng Tuhan Allah, torang pe Bapa, deng Yesus Kristus, Anak Allah.