Matius 10:37 - Perjanjian Baru Bahasa Melayu Maluku Utara

³⁷ Sapa yang sayang dia pe papa deng mama lebe dari dia pe sayang pa Kita, dia itu tara pantas iko pa Kita. Kong sapa yang sayang dia pe ana laki-laki atau ana parampuang lebe dari dia pe sayang pa Kita, dia itu me tara pantas iko pa Kita.

Matius 10:37 ပူးပေါင်းရင်းမြစ်များ

Matius 22:37

Yesus bilang pa dia, “Parenta yang paling penting itu bagini, ‘Ngoni musti butul-butul sayang pa Tuhan Allah, ngoni pe Tuhan. Ngoni musti sayang pa Dia lebe dari samua yang ngoni sayang, deng ngoni lagi musti sayang pa Dia deng cara salalu inga pa Dia.’

Matius 22:8

Abis itu, raja bilang pa orang-orang karja laeng bagini, ‘Pesta kawing so siap, tapi orang-orang yang kita undang itu tara pantas maso di kita pe pesta.

Lukas 14:26

“Orang yang iko pa Kita, dia musti sayang skali pa Kita lebe dari dia pe sayang pa dia pe mama, papa, bini, ana, ade, kaka, deng dia pe diri sandiri lagi. Jadi kalu dia tara sayang pa Kita sama deng bagitu, dia tara bisa iko pa Kita.

Lukas 20:35

Tapi orang-orang yang Tuhan Allah anggap pantas untuk hidup di sorga, dorang itu nanti Dia mo kase hidup ulang, deng dorang itu so tara kawing lagi.

Lukas 21:36

Tapi, ngoni musti turus-turus jaga diri bae-bae, deng berdoa supaya ngoni jadi kuat batahang untuk hadapi samua sengsara yang mo jadi itu sampe ngoni lolos dari itu. Deng bagitu, ngoni siap mo mangada pa Anak Manusia.”

Yohanes 5:23

Bapa kase tugas itu pa Dia pe Anak supaya samua orang hormati pa Bapa pe Anak sama deng dorang hormati pa Bapa. Sapa saja yang tara hormati pa Dia pe Anak, dia lagi tara hormati pa Bapa yang utus pa Dia pe Anak itu.

Wahyu 3:4

Tapi ada babarapa orang di Sardis yang dorang pe hidup bersi pa Tuhan Allah pe muka, dorang itu sama deng orang yang jaga dong pe baju la jang kotor. Kong dorang itu nanti akan bajalang sama-sama deng Kita pake baju puti, karna dorang memang pantas bajalang sama-sama deng Kita.