Matius 10:3 - Perjanjian Baru Bahasa Melayu Maluku Utara

³ Filipus, Bartolomeus, Tomas, Tadeus, Matius (tukang tagi pajak), deng Yakobus (Alfeus pe ana).

Matius 10:3 ပူးပေါင်းရင်းမြစ်များ

Matius 18:17

Tapi kalu dia masi tara tarima apa yang dorang bilang, kase tau suda masala itu pa jemaat. Kong kalu jemaat so togor, turus dia tara mau dengar lagi, anggap saja dia itu orang yang tara kanal Tuhan Allah. Atau, anggap saja dia itu berdosa sama deng tukang tagi pajak yang jaga tipu orang.

Matius 27:56

Dari dorang itu, ada Maria orang Magdala, Maria yang jadi Yakobus deng Yusuf pe mama, deng Zebedeus pe bini yang jadi Yakobus deng Yohanes pe mama.

Matius 9:9

Abis itu, Yesus pigi kase tinggal tampa itu, kong Dia dapa lia ada tukang tagi pajak satu dudu bakarja pa dia pe tampa batagi pajak. Orang itu pe nama Matius. Kong Yesus bilang pa dia, “Mari iko pa Kita.” Pe dengar bagitu, Matius badiri kong iko pa Yesus.

Markus 15:40

Di situ ada lagi babarapa parampuang yang lia-lia pa Yesus dari jao. Dari dorang itu, ada Salome, Maria orang Magdala, deng Maria yang jadi Yakobus muda deng Yoses pe mama.

Markus 2:14

Abis itu, Yesus bajalang lagi kong Dia dapa lia satu orang yang pe nama Lewi. Dia itu, Alfeus pe ana. Lewi ini tukang tagi pajak. Dia ada dudu di dia pe tampa karja, tampa untuk tarima pajak. Yesus bilang pa dia, “Mari iko pa Kita!” Pe dengar itu, Lewi turus badiri kong iko pa Yesus.

Markus 3:18

Andreas, Filipus, Bartolomeus, Matius, Tomas, Yakobus (Alfeus pe ana), Tadeus, Simon (dari Gerakan Yahudi Merdeka), deng

Lukas 18:10

“Ada dua orang pigi di Ruma Ibada Pusat la berdoa. Orang yang satu itu dia dari aliran Farisi, deng yang satu lagi dia itu tukang tagi pajak.

Lukas 18:11

Orang dari aliran Farisi itu badiri basandiri kong dia berdoa bagini, ‘Ya Tuhan Allah, kita bilang tarimakasi, karna kita bukang orang berdosa sama deng orang laeng. Kita ini bukang orang yang suka rampas orang laeng pe barang, kita bukang orang yang tara butul, kita bukang orang yang jaga baku suka deng orang pe bini, deng kita bukang lagi sama deng tukang tagi pajak ini.

Lukas 18:13

Tapi tukang tagi pajak itu, dia badiri jao-jao. Dia tara barani mangada di langit, tapi dia sapu-sapu dia pe dada tanda manyasal, kong babilang, ‘Ya Tuhan Allah, kasiang ka pa kita. Kita ini orang berdosa.’

Lukas 19:2

Di kota itu, ada satu orang yang pe nama Zakheus. Dia itu tukang tagi pajak pe kapala. Dia orang kaya.

Lukas 5:27

Abis itu, Yesus kaluar dari ruma itu, kong Dia lia ada tukang tagi pajak satu sementara dudu di dia pe tampa batagi pajak. Tukang tagi pajak itu pe nama Lewi. Yesus bilang pa dia, “Mari iko pa Kita.”

Yohanes 1:48

Natanael bilang pa Yesus, “Bagimana kong Bapa kanal pa kita?” Yesus jawab, “Waktu Filipus bolong pangge pa ngana, Kita so kamuka dapa lia pa ngana di bawa pohong ara itu.”

Yohanes 11:16

Kong ada murit satu yang pe nama Tomas, yang orang jaga pangge ‘Kambar’ itu. Dia bilang pa murit-murit yang laeng, “Mari suda torang pigi deng Guru di daera Yudea, supaya torang mati sama-sama deng Dia.”

Yohanes 14:22

Kong Yudas yang bukang Yudas Iskariot, bilang pa Yesus, “Tuhan, bikiapa kong cuma pa torang saja Tuhan mo kase tunju Tuhan pe diri, kong pa orang-orang laeng yang ada di dunia ini tarada?”

Yohanes 14:5

Turus, Tomas bilang pa Yesus, “Tuhan, torang tara tau Tuhan mo pigi ka mana. Jadi, bagimana torang mo tau jalang mo pigi ka sana?”

Yohanes 14:9

Yesus bilang pa dia, “Filipus, so lama skali Kita sama-sama deng ngoni, masa ngana tara kanal pa Kita? Sapa yang so lia pa Kita, dia itu so lia pa Kita pe Bapa. Jadi, bikiapa lagi ngana minta Kita kase tunju Kita pe Bapa pa ngoni?

Yohanes 21:2

Satu kali, di talaga Tiberias pe pinggir itu, ada Simon Petrus, Tomas yang orang jaga pangge Kambar, Natanael dari kota Kana yang ada di daera Galilea, Zebedeus pe ana dua, deng Yesus pe murit dua orang laeng lagi, dorang bakumpul di situ.

Kisah Para Rasul 1:13

Waktu dorang sampe di kota Yerusalem, dorang pigi di ruma yang dong tinggal kong nae ka atas di tingkat. Dorang itu: Petrus, Yohanes, Yakobus, Andreas, Filipus, Tomas, Bartolomeus, Matius, Yakobus (Alfeus pe ana), Simon (dari gerakan Yahudi Merdeka) deng Yudas (Yakobus pe ana).

Kisah Para Rasul 12:17

Tapi Petrus kase kode deng dia pe tangan supaya dorang badiam. Abis itu, Petrus carita pa dorang, bagimana Tuhan bawa pa dia kaluar dari penjara. Kong Petrus bilang lagi pa dorang, “Ngoni kase tau suda ini samua pa Yakobus deng pa sudara-sudara laeng yang percaya pa Yesus.” Abis bilang bagitu, Petrus langsung kaluar kong pigi di tampa laeng.

Kisah Para Rasul 15:13

Bagitu Barnabas deng Paulus abis bicara, Yakobus turus bilang, “Ee sudara-sudara, dengar pa kita!

Kisah Para Rasul 21:18

Dia pe beso, Paulus deng torang pigi baku dapa deng Yakobus. Di sana, samua penatua so ada.

Galatia 1:19

Tapi waktu itu, kita tara baku dapa deng rasul-rasul yang laeng. Kita cuma baku dapa deng Yakobus, Tuhan Yesus pe sudara.

Galatia 2:9

Yakobus, Petrus deng Yohanes yang orang-orang jaga anggap pemimpin-pemimpin jemaat itu, waktu dorang sandiri jadi sadar Tuhan Allah so kase pa kita tugas kusus itu, dorang pegang tangan pa kita deng pa Barnabas. Dorang pegang tangan itu, jadi tanda dorang satu hati deng torang. Turus, dorang lagi setuju, kita deng Barnabas tetap kase tau Kabar Bae pa orang-orang yang bukang Yahudi, baru dorang tiga itu tetap kase tau Kabar Bae pa orang-orang Yahudi.

Yakobus 1:1

Sudara-sudara dua blas suku Israel yang so percaya pa Yesus Kristus, yang merantau di tampa-tampa laeng. Salam dari kita, Yakobus. Kita ini orang yang jaga biking apa yang Tuhan Allah deng Tuhan Yesus Kristus suru.

Yudas 1:1

Sudara-sudara, ngoni yang Tuhan Allah torang pe Bapa so pangge untuk iko pa Dia, yang Dia sayang, deng yang Dia salalu jaga sampe Yesus Kristus datang ulang. Salam dari kita Yudas. Kita ini Yakobus pe sudara, deng kita me yang jaga biking apa yang Yesus Kristus suru.