Matius 10:27 - Perjanjian Baru Bahasa Melayu Maluku Utara

²⁷ Apa yang Kita bilang pa ngoni yang orang laeng tara dengar, ngoni musti kase tau deng turus tarang pa orang-orang. Kong apa yang Kita ada kase bisi pa ngoni, ngoni musti kase tau di orang-orang pe muka sama deng ngoni bicara dari atas ruma.

Matius 10:27 ပူးပေါင်းရင်းမြစ်များ

Matius 24:17

Orang yang ada di atas ruma, jang turung pigi ambe barang-barang di dalam ruma, tapi turung kong lari suda.

Lukas 12:3

Jadi, apa yang ngoni ada baku bilang di tampa yang tasambunyi, itu akan mo dapa tau deng jelas di orang banya pe muka. Deng apa yang ngoni ada baku bisi di dalam kamar, itu akan mo dapa kase tau dari atas ruma la orang banya dengar.”

Lukas 8:10

Kong Yesus jawab, “Tuhan Allah biking ngoni bisa tau rahasia tentang bagimana Tuhan Allah Berkuasa sebagai Raja, tapi pa orang-orang laeng, hal itu Kita kase tau pake umpama, supaya deng bagitu, ‘Biar dorang lia, dorang tara mangarti apa yang dong lia. Biar dorang dengar, dorang tara mangarti apa yang dong dengar.’

Yohanes 16:1

Yesus bilang lagi pa Dia pe murit-murit, “Kita bilang samua itu pa ngoni, supaya ngoni tara berenti percaya pa Kita.

Yohanes 16:13

Nanti kalu Roh Kudus yang mo tolong itu so datang, Dia mo kase ajar pa ngoni sampe ngoni bole mangarti samua yang butul. Barang, Roh Kudus itu tara bicara iko apa yang ada pa Dia pe pikiran sandiri, tapi Dia bicara iko apa yang Dia dengar dari Tuhan Allah. Kong Roh Kudus lagi yang mo kase tau pa ngoni apa yang mo jadi nanti.

Yohanes 16:25

Samua ini Kita bilang pa ngoni pake umpama. Tapi akan ada dia pe waktu Kita mo bicara pa ngoni so tara pake umpama lagi, tapi deng turus tarang Kita mo kase tau tentang Kita pe Bapa.

Yohanes 16:29

Yesus pe murit-murit bilang pa Dia, “Aa, skarang Guru so bicara deng turus tarang pa torang, deng Guru so tara pake umpama lagi.

Kisah Para Rasul 17:17

Jadi Paulus pigi di ruma ibada agama Yahudi kong badiskusi tentang Yesus deng orang-orang Yahudi deng orang-orang bukang Yahudi yang jaga baibada pa Tuhan Allah, supaya dorang bole percaya pa Yesus. Tiap hari, Paulus pigi di pusat kota kong dia badiskusi deng orang-orang di situ la dorang percaya.

Kisah Para Rasul 5:20

“Ngoni pigi suda ka sana di Ruma Ibada Pusat pe kompleks, kong kase ajar pa orang-orang Kabar Bae tentang Yesus Kristus yang bole biking dorang hidup deng Tuhan Allah slama-lamanya.”

Kisah Para Rasul 5:28

Dia bilang, “Torang so larang karas pa ngoni to, jang mangajar lagi tentang Orang itu. Tapi ngoni tetap biking turus, sampe samua orang di Yerusalem so dengar ngoni pe ajaran itu. Baru ngoni kase sala lagi pa torang, bilang kata, gara-gara torang sampe Orang itu mati.”

2 Korintus 3:12

Jadi, karna torang bagitu yakin deng Tuhan Allah pe janji yang baru itu, torang barani kase tau Kabar Bae tentang Yesus Kristus pa orang-orang.