Matius 10:22 - Perjanjian Baru Bahasa Melayu Maluku Utara

²² Kong samua orang akan binci pa ngoni karna ngoni iko pa Kita. Tapi orang yang tetap percaya pa Kita sampe dia pe ahir hidup, dia itu yang Tuhan Allah mo kase slamat.

Matius 10:22 ပူးပေါင်းရင်းမြစ်များ

Matius 10:39

Jadi sapa yang hidup cuma untuk dia pe diri sandiri, dia itu akan mati tapisa deng Tuhan Allah slama-lamanya. Tapi, sapa yang kase dia pe hidup karna iko pa Kita, dia itu akan dapa hidup deng Tuhan Allah slama-lamanya.”

Matius 24:13

Tapi orang yang tetap percaya pa Kita sampe dia pe ahir hidup, Tuhan Allah mo kase slamat pa dia.

Matius 24:9

Kong waktu itu, orang-orang yang tara percaya mo tangka pa ngoni, turus mo serakan untuk siksa deng bunu pa ngoni. Kong orang-orang dari samua suku bangsa akan binci pa ngoni karna ngoni iko pa Kita.

Matius 5:11

Paling sanang suda ngoni yang karna ngoni iko pa Kita, ngoni dapa hina, dapa siksa, deng ada yang kase tara bae ngoni pe nama.

Markus 13:13

Kong samua orang akan binci pa ngoni karna ngoni iko pa Kita. Tapi orang yang tetap percaya pa Kita sampe dia pe ahir hidup, Tuhan Allah mo kase slamat pa dia.”

Lukas 21:19

Kalu ngoni tetap batahang percaya pa Kita, ngoni dapa hidup deng Tuhan Allah slama-lamanya.”

Lukas 6:22

Paling sanang suda ngoni yang karna ngoni iko pa Anak Manusia, orang binci pa ngoni, tara tarima pa ngoni, hina pa ngoni, deng kase tara bae ngoni pe nama.

Lukas 8:15

Kong bibit yang jatu di tana yang subur, itu sama deng orang-orang yang so dengar firman, dorang simpang firman itu di dong pe hati yang bae, kong dorang biking firman itu turus-turus di dong pe hidup hari-hari.”

Yohanes 17:14

Kita so kase tau Bapa pe firman pa dorang yang iko pa Kita. Kong orang-orang di dunia ini yang tara percaya pa Bapa binci pa dorang, barang dorang yang iko pa Kita tara sama deng orang-orang yang tara percaya pa Bapa. Itu sama deng Kita lagi tara sama deng orang-orang yang tara percaya pa Bapa.

Yohanes 7:7

Barang, orang-orang yang tara percaya pa Kita, dorang itu tara binci pa ngoni, tapi dorang binci pa Kita, karna Kita kase tau dorang pe kalakuang jahat.

Kisah Para Rasul 9:16

Kita sandiri yang akan kase tunju pa dia, dia mo dapa banya siksa karna dia iko pa Kita.”

Roma 2:7

Ada orang yang biking barang yang bae turus, karna dorang suka dapa puji deng hormat dari Tuhan Allah, deng dorang suka hidup deng Tuhan Allah slama-lamanya. Jadi pa dorang itu, Tuhan Allah mo kase hidup deng Dia slama-lamanya.

2 Korintus 4:11

Barang, selama torang masi hidup di dunia ini, ada saja orang yang cari mo bunu pa torang karna torang iko pa Yesus Kristus. Deng dorang biking bagitu, jadi jelas pa samua orang, Yesus Kristus so hidup ulang karna dorang lia Yesus Kristus pe kuasa ada pa torang pe badan yang nanti mo mati ini.

Galatia 6:9

Jang torang pastiu untuk salalu biking barang yang bae, karna kalu torang tetap biking yang bae, Tuhan mo balas torang pe bae itu di waktu yang Dia so tentukan, itu sama deng petani mo dapa hasil dari apa yang dia so tanam di kobong.

Ibrani 3:14

Barang, kalu torang tetap pegang turus apa yang torang so percaya dari pertama sampe waktu dunia ini kiamat, torang akan dapa bagian dari samua yang ada pa Yesus Kristus.

Ibrani 6:11

Torang mau, ngoni samua tetap smangat biking yang bae itu turus-turus sampe hari kiamat, supaya jelas ngoni akan dapa apa yang ngoni harap dari Tuhan Allah di sorga.

Yakobus 1:12

Orang yang dapa cobaan kong batahang deng tetap percaya pa Tuhan, dia itu orang yang paling sanang. Karna kalu dia berhasil lolos dari samua cobaan itu, dia mo dapa hadia. Hadia itu, hidup deng Tuhan Allah slama-lamanya. Itu yang Tuhan Allah so janji mo kase pa orang-orang yang sayang pa Dia.

1 Yohanes 3:13

Sudara-sudara, jang ngoni herang kalu orang-orang yang tara percaya binci pa ngoni.

Wahyu 2:10

Ngoni tara usa tako kalu nanti ngoni masi dapa siksa. Dengar bae-bae, nanti babarapa orang dari ngoni, Iblis mo coba, ngoni butul-butul percaya pa Kita ka tarada. Cobaan itu macam bagini, ngoni mo dapa maso di penjara kong dapa siksa di situ selama spulu hari. Tapi biar ngoni dapa siksa sampe mo mati me, ngoni musti tetap percaya pa Kita. Kalu ngoni tetap batahang percaya, Kita mo kase pa ngoni hidup deng Tuhan Allah slama-lamanya, itu sama deng ngoni dapa makota, tanda ngoni so menang.

Wahyu 2:17

Jadi dengar bae-bae apa yang Tuhan Allah pe Roh kase tau pa Dia pe jemaat-jemaat, bagini, ‘Sapa yang menang dari pengaru jahat, nanti Kita kase pa dia makanang dari sorga yang orang sebut manna yang tasambunyi. Nanti Kita mo kase lagi pa dia batu puti satu yang ada tatulis dia pe nama baru. Nama baru itu, cuma orang yang tarima batu itu saja yang tau, orang laeng tara tau.’ ”

Wahyu 2:26

Sapa yang menang dari pengaru jahat, deng tetap biking apa yang Kita suru sampe dunia kiamat, Kita mo kase pa dia kuasa untuk berkuasa pa suku-suku bangsa.

Wahyu 2:3

Kita me tau, ngoni tetap batahang percaya pa Kita, biar lagi ngoni dapa siksa deng menderita karna percaya. Biar bagitu me ngoni tara perna mundur.

Wahyu 2:7

Jadi dengar bae-bae apa yang Tuhan Allah pe Roh kase tau pa Dia pe jemaat-jemaat, bagini, ‘Sapa yang menang dari pengaru jahat, Kita mo kase pa dorang hak untuk makang bua dari pohong kehidupan yang ada di Tuhan Allah pe taman Firdaus.’ ”

Wahyu 3:21

Sapa yang menang dari pengaru jahat, Kita mo kase dudu dia pa Kita pe pinggir sama-sama deng Kita di kursi raja. Barang, orang itu so menang sama deng Kita yang so menang dari setang-setang pe pengaru, kong Kita dudu baku pinggir sama-sama deng Kita pe Bapa di Dia pe kursi raja.