Matius 10:2 - Perjanjian Baru Bahasa Melayu Maluku Utara

² Dua blas murit itu jadi Dia pe utusan-utusan, yang orang sebut rasul. Ini dorang pe nama-nama: yang pertama nama Simon (dia pe nama laeng, Petrus), Andreas (Simon pe sudara kandung), Yakobus deng Yohanes (Zebedeus pe ana-ana),

Matius 10:2 ပူးပေါင်းရင်းမြစ်များ

Matius 17:1

Pe lewat anam hari, Yesus bawa pa Petrus, Yakobus deng Yakobus pe sudara Yohanes, dorang sama-sama nae di gunung satu yang tinggi. Di situ tarada orang laeng.

Matius 20:20

Abis itu, Zebedeus pe bini deng dia pe ana Yakobus deng Yohanes datang pa Yesus. Ibu itu berlutut pa Yesus mo minta satu barang.

Matius 26:37

Tapi Yesus bawa pa Petrus, Yakobus deng Yohanes, Zebedeus pe ana dua orang itu, iko pa Dia. Waktu itu, Dia pe hati mulai sedi, deng totofore.

Matius 4:18

Satu kali bagini, Yesus ada bajalang iko di talaga Galilea pe pinggir, kong Dia dapa lia dua orang ade kaka. Yang satu dia pe nama Simon, yang orang biasa pangge pa dia Petrus, deng yang satu lagi dia pe nama Andreas. Dorang dua ada bajala ikang di talaga, barang dong pe karja bacari ikang.

Matius 4:21

Abis itu, Yesus bajalang lagi kong Dia dapa lia dua orang ade kaka lagi. Yang satu dia pe nama Yakobus, yang satu lagi pe nama Yohanes. Dorang dua ada sama-sama deng dong pe papa Zebedeus kase bae-bae dong pe jala dalam parau. Kong Yesus pangge pa dong dua.

Markus 1:29

Pe kaluar dari ruma ibada agama Yahudi itu, Yesus, Yakobus deng Yohanes langsung pigi pa Simon deng Andreas pe ruma.

Markus 13:3

Turus, Yesus pigi di Bukit Zaitun kong dudu di tampa satu yang mangada di Ruma Ibada Pusat. Kong Petrus, Yakobus, Yohanes deng Andreas badekat pa Yesus la cuma dorang deng Dia, kong dorang batanya pa Dia,

Markus 6:30

Yesus pe murit-murit yang Dia so utus itu bale kong bakumpul sama-sama deng Dia. Turus dorang kase tau pa Yesus samua yang dorang so biking deng yang dorang so kase ajar.

Lukas 11:49

Samua itu jadi, karna Tuhan Allah yang paling tau, dulu Dia perna bilang bagini, ‘Kita mo utus Kita pe nabi-nabi deng utusan-utusan pigi kase turus Kita pe pasáng pa orang-orang Israel, kong orang-orang Israel itu yang mo bunu pa dorang sebagian, deng ada laeng lagi dorang mo siksa.’

Lukas 22:14

Pas so dia pe waktu mo makang di hari raya itu, Yesus dudu makang sama-sama deng Dia pe murit-murit yang orang sebut rasul.

Lukas 22:8

Turus Yesus suru pa Petrus deng Yohanes, Dia bilang bagini, “Pigi suda, kong kase sadia makanang hari raya Paska untuk torang makang sama-sama.”

Lukas 5:10

Bagitu lagi deng Simon pe tamang-tamang: Yakobus deng Yohanes, Zebedeus pe ana-ana. Dorang herang lia ikang pe banya itu. Kong Yesus bilang pa Simon, “Simon, jang ngana tako! Ngana biasa bacari ikang, tapi mulai skarang ngana mo cari orang supaya dorang iko pa Kita.”

Lukas 9:10

Yesus pe murit-murit yang Dia utus itu, skarang so bale. Dorang carita pa Yesus samua yang dorang so biking. Abis itu, Yesus bawa pa dorang di tampa yang sunyi dekat kota yang pe nama Betsaida la dorang tasandiri di situ.

Yohanes 12:22

Kong Filipus kase tau pa Andreas, turus dorang dua pigi kase tau lagi pa Yesus.

Yohanes 13:23

Di situ, ada murit satu yang Yesus paling sayang. Murit itu ada dudu dekat skali deng Yesus.

Yohanes 20:2

Jadi dia lari pigi pa Simon Petrus deng pa murit yang Yesus sayang. Pe sampe pa dorang, Maria bilang, “Woe, orang-orang so ambe Tuhan pe mayat dari kubur, kong torang tara tau dorang taru pa Dia di mana!”

Yohanes 21:2

Satu kali, di talaga Tiberias pe pinggir itu, ada Simon Petrus, Tomas yang orang jaga pangge Kambar, Natanael dari kota Kana yang ada di daera Galilea, Zebedeus pe ana dua, deng Yesus pe murit dua orang laeng lagi, dorang bakumpul di situ.

Yohanes 21:20

Waktu itu, Petrus balia ka balakang, dia lia, murit yang Yesus sayang ada iko pa dorang. Murit itu yang dulu dudu baku dekat deng Yesus waktu dorang ada makang sama-sama sebelum Yesus mati. Kong waktu itu, dia itu yang ada batanya, “Tuhan, sapa yang mo bahianat pa Tuhan?”

Yohanes 21:24

Murit yang Yesus sayang itu, dia itu suda yang ada kase tau deng yang tulis samua yang ada di kitab ini. Torang samua tau, yang dia kase tau itu butul.

Yohanes 6:67

Karna itu, Yesus tanya pa Dia pe murit dua blas orang itu, “Ngoni lagi mo kase tinggal pa Kita?”

Yohanes 6:70

Yesus bilang pa dorang, “Kita sandiri yang so pili pa ngoni dua blas ini, tapi ada satu dari ngoni yang nanti mo iko pa Iblis, setang-setang pe raja, pe mau.”

Yohanes 6:71

Yang Yesus pe maksut itu, Yudas, Simon Iskariot pe ana. Yudas itu satu dari Yesus pe murit yang dua blas orang, tapi dia itu nanti yang mo bahianat pa Yesus.

Yohanes 6:8

Kong di situ lagi ada Yesus pe murit satu, dia pe nama Andreas. Dia itu Simon Petrus pe sudara. Kong dia bilang pa Yesus bagini,

Kisah Para Rasul 1:13

Waktu dorang sampe di kota Yerusalem, dorang pigi di ruma yang dong tinggal kong nae ka atas di tingkat. Dorang itu: Petrus, Yohanes, Yakobus, Andreas, Filipus, Tomas, Bartolomeus, Matius, Yakobus (Alfeus pe ana), Simon (dari gerakan Yahudi Merdeka) deng Yudas (Yakobus pe ana).

Kisah Para Rasul 1:26

Pe abis berdoa, dorang cabu undi, kong Matias yang dapa. Jadi dong angka pa Matias jadi rasul sama-sama deng dorang seblas orang itu.

Kisah Para Rasul 12:2

Dia parenta supaya bunu pa Yohanes pe sudara Yakobus itu deng parang.

Kisah Para Rasul 3:1

Satu kali bagini, Petrus deng Yohanes pigi di Ruma Ibada Pusat pe kompleks. Dorang pigi so mo jam tiga sore, waktu orang Yahudi pe jam berdoa.

1 Korintus 15:7

Abis itu, Dia kase tunju Dia pe diri pa Yakobus, deng pa samua utusan yang orang sebut rasul.

Efesus 4:11

Yesus Kristus itu suda yang kase kemampuan pa Dia pe umat yang baku-baku beda: ada yang jadi Yesus Kristus pe utusan-utusan yang orang sebut rasul-rasul, ada yang jadi nabi-nabi yang jaga kase turus Tuhan Allah pe pasáng, ada yang kase tau Kabar Bae tentang Yesus Kristus di tampa yang orang-orang bolong dengar, ada yang jadi pemimpin di jemaat sama deng gembala jaga dia pe domba bae-bae, deng ada lagi yang mangajar di jemaat.

Ibrani 3:1

Sudara-sudara yang so jadi Tuhan Allah pe umat, yang so dapa pangge untuk hidup sama-sama deng Dia di sorga, coba ngoni pikir bae-bae tentang Yesus Kristus yang torang so percaya. Dia itu Tuhan Allah pe Utusan deng Dia lagi Imam Basar, karna Dia biking sampe torang manusia deng Tuhan Allah pe hubungan bisa jadi bae ulang.

1 Petrus 1:1

Sudara-sudara, ngoni yang so merantau kong tinggal sebagai pendatang di daera Pontus, Galatia, Kapadokia, Asia Kecil, deng Bitinia. Salam dari kita Petrus yang jadi Yesus Kristus pe utusan yang orang sebut rasul.

2 Petrus 1:1

Sudara-sudara yang percaya, salam dari kita Simon Petrus. Kita ini orang yang jaga biking apa yang Yesus Kristus suru, deng kita ini me Dia pe utusan yang orang sebut rasul. Yesus Kristus itu Tuhan Allah, deng Dia me yang kase slamat pa torang dari dosa-dosa. Dia itu yang biking sampe ngoni percaya pa Dia sama deng torang yang so percaya pa Dia, karna Dia salalu biking barang yang butul.

2 Yohanes 1:1

Ibu yang Tuhan Allah pili iko pa Dia deng ibu pe ana-ana, yang butul-butul kita sayang. Salam dari kita, penatua di jemaat. Bukang cuma kita yang sayang pa ngoni, tapi samua orang yang iko Tuhan pe ajaran me sayang pa ngoni.

3 Yohanes 1:1

Kita pe tamang Gayus, yang butul-butul kita sayang. Salam dari kita Yohanes, penatua di jemaat.

Wahyu 1:1

Kitab ini pe isi tentang apa yang Tuhan Allah kase tunju pa Yesus Kristus, turus Yesus Kristus kase tunju pa orang-orang yang jaga biking apa yang Dia suru supaya dorang bole tau apa yang so tara lama lagi mo jadi. Kong Yesus Kristus suru Dia pe malaekat kase tunju itu samua pa kita.

Wahyu 1:9

Kita Yohanes, ngoni pe sudara yang sama-sama dapa siksa karna percaya pa Yesus. Torang sama-sama percaya pa Yesus yang Berkuasa sebagai Raja pa torang pe hidup, deng biar dapa siksa, torang tahang mangada siksa itu. Kong kita ini dapa buang di pulo yang pe nama Patmos, karna kita kase tau Tuhan Allah pe firman deng kase tau Yesus pe pasáng pa orang-orang.

Wahyu 18:20

Abis itu, ada suara yang bilang bagini, “Ee ngoni yang hidup di sorga, sanang suda ngoni, barang kota Babel itu Tuhan Allah so hukum. Sanang suda ngoni orang-orang yang so jadi Tuhan Allah pe umat, ngoni Tuhan pe utusan-utusan yang orang sebut rasul-rasul, deng ngoni nabi-nabi yang jaga kase turus Tuhan Allah pe pasáng! Barang, Tuhan Allah so kase hukuman pa kota itu karna samua kajahatan yang orang-orang di kota itu perna biking pa ngoni.”

Wahyu 22:8

Kita Yohanes, kita ini suda yang so dengar deng lia sandiri samua hal yang kita so tulis ini. Bagitu abis kita dengar deng lia samua itu, turus kita berlutut semba di malaekat itu pe kaki, yang so kase tunju samua itu pa kita.