Matius 10:19 - Perjanjian Baru Bahasa Melayu Maluku Utara

¹⁹ Kalu dorang bawa pa ngoni kong serakan pa ngoni untuk dapa adili, jang ngoni tako apa yang ngoni musti bilang. Nanti di waktu itu suda, Tuhan Allah akan kase pa ngoni apa yang ngoni mo bilang pa dorang.

Matius 10:19 ပူးပေါင်းရင်းမြစ်များ

Matius 10:18

Karna ngoni iko pa Kita, nanti dorang bawa pa ngoni mangada pa gubernur-gubernur deng pa raja-raja. Tapi itu ngoni pe kesempatan untuk kase tau tentang Kita pa dorang deng pa orang-orang yang tara kanal pa Tuhan Allah.

Matius 6:25

Yesus bilang lagi, “Karna itu, inga bae-bae yang Kita bilang pa ngoni, tara usa ngoni hawater deng ngoni pe hidup, apa yang ngoni mo makang atau apa yang ngoni mo minum. Ngoni me tara usa hawater deng ngoni pe badan, apa yang ngoni mo pake. Ngoni tau ngoni pe hidup itu lebe penting dari apa yang ngoni mo makang deng minum. Deng ngoni pe badan itu lebe penting dari baju yang ngoni mo pake.

Matius 6:31

Jadi, ngoni tara usa hawater kong bilang, ‘Apa yang torang mo makang?’ Atau ‘Apa yang torang mo minum?’ Atau ‘Apa yang torang mo pake?’

Matius 6:34

Jadi, ngoni tara usa hawater apa yang mo jadi beso, karna beso ada dia pe susa sandiri. Cukup suda susa yang ngoni so rasa hari ini, tara usa lagi bapikir hari beso pe susa.”

Lukas 12:11

Kong kalu ada orang bawa pa ngoni untuk mo adili, biar itu di ruma ibada agama Yahudi, atau di pemerinta-pemerinta, ngoni tara usa tako tentang apa yang ngoni musti bilang atau bagimana ngoni mo babela ngoni pe diri.

Lukas 12:12

Karna di waktu itu suda, Roh Kudus akan kase tau pa ngoni apa yang ngoni musti bilang.”

Kisah Para Rasul 6:10

Tapi dorang tara mampo baku malawang deng Stefanus, barang Roh Kudus kuasai pa dia sampe dia pande bicara deng tau banya hal.

Filipi 4:6

Jadi tara usa suda ngoni hawater tentang apa-apa. Tapi, ngoni musti berdoa suda, minta pa Tuhan Allah tentang samua hal. Ngoni kase tau suda samua ngoni pe perlu pa Tuhan Allah, deng bilang tarimakasi banya pa Dia.

2 Timotius 4:17

Biar dorang kase tinggal pa kita, Tuhan Allah tetap sama-sama deng kita. Dia kase kuat pa kita supaya kita bole kase tau samua Kabar Bae tentang Yesus Kristus, deng supaya samua orang yang bukang Yahudi dengar. Dia kase slamat pa kita dari bahaya kematian, sama deng kita bebas dari singa pe mulu.

Yakobus 1:5

Kalu ada dari ngoni yang tara tau mana yang bae yang dia musti biking, dia musti berdoa tanya pa Tuhan Allah supaya Tuhan Allah kase tau. Barang, Tuhan pe hati bae, sapa saja yang minta pa Dia, Dia tara mara tapi pasti Dia kase.