Matius 10:15 - Perjanjian Baru Bahasa Melayu Maluku Utara

¹⁵ Inga bae-bae e, nanti di hari kiamat, waktu Tuhan mo adili pa samua orang, orang yang tara tarima pa ngoni itu akan dapa hukuman yang paling barát, lebe barát dari hukuman yang orang dari kota Sodom deng kota Gomora perna dapa.”

Matius 10:15 ပူးပေါင်းရင်းမြစ်များ

Matius 12:36

Inga e, nanti di waktu Tuhan mo adili pa samua orang, tiap orang musti tanggung jawab pa Tuhan samua kata-kata yang dia so perna bilang, biar itu kata-kata yang tarada dia pe guna.

Matius 5:18

Ngoni dengar bae-bae e! Langit deng bumi pasti mo ancor, tapi aturan-aturan di lima kitab Musa deng di nabi-nabi laeng pe kitab itu tara akan ilang, biar satu huruf me. Samua itu tetap ada sampe yang Tuhan Allah bilang dulu itu so jadi samua.

Matius 7:22

Nanti di hari kiamat, banya orang yang mo bilang pa Kita bagini, ‘Tuhan! Tuhan! Torang ini so kase turus Tuhan Allah pe pasáng pake Tuhan Allah pe nama. Torang me so user setang dari orang-orang, pake Tuhan pe kuasa. Deng torang lagi so biking banya mujizat pake Tuhan pe kuasa.’

Markus 6:11

Tapi kalu orang-orang di tampa itu tara tarima deng tara dengar pa ngoni, ngoni kase tinggal pa dorang suda. Abu yang ada pa ngoni pe kaki me ngoni kase tada di situ, la kase inga dorang so sala pa Tuhan Allah.”

Yohanes 12:48

Sapa saja yang tara tarima pa Kita, deng yang tara tarima Kita pe ajaran, dorang itu mo dapa hukum. Kong nanti di hari kiamat, Tuhan Allah yang mo hukum pa dorang pake Kita pe ajaran itu nanti.

Yohanes 6:39

Dia pe mau itu supaya samua orang yang Dia so kase pa Kita, tara akan mati slama-lamanya, tapi di hari kiamat, Kita mo kase hidup ulang pa dorang.

Yohanes 6:40

Barang, ini yang Kita pe Bapa mau: Dia mau supaya tiap orang yang lia pa Dia pe Anak kong percaya pa Anak itu, dorang itu mo dapa hidup deng Tuhan Allah slama-lamanya, deng nanti di hari kiamat, Kita mo kase hidup ulang pa dorang.”

Kisah Para Rasul 17:31

Barang, Tuhan Allah so ator satu waktu nanti mo adili pa torang samua deng adil. Tuhan Allah so tunju satu Orang untuk adili pa torang samua. Kong torang bole yakin samua itu akan jadi, karna Orang yang mo adili itu Tuhan Allah so kase hidup ulang pa Dia waktu Dia mati.”

1 Korintus 3:13

Nanti di hari kiamat, dorang masing-masing pe hasil karja akan dapa priksa, bagus ka tarada. Itu sama deng ruma yang mo dapa tes deng api, apa mo angus ka tarada. Karna bahan yang bagus, akan tahang waktu dapa bakar, sedangkan bahan yang tara bagus, tara tahang waktu dapa bakar.

1 Tesalonika 5:4

Tapi sudara-sudara, ngoni pe hidup tara sama deng orang-orang yang hidup di dalam galap. Jadi nanti waktu Tuhan Yesus datang, ngoni tara takage sama deng orang-orang yang kage kalu pancuri maso pa dong pe ruma.

Ibrani 10:25

Kong jang torang pamalas bakumpul deng orang-orang percaya, sama deng babarapa orang percaya laeng jaga biking. Tapi mari suda torang bakumpul turus-turus la baku kase kuat torang pe percaya, lebe-lebe lagi karna torang tau Tuhan Yesus pe waktu mo datang ulang yang kedua kali so lebe dekat.

2 Petrus 2:6

Bagitu lagi deng orang-orang di kota Sodom deng kota Gomora dulu yang tara dengar-dengaran pa Tuhan Allah, Tuhan Allah hukum pa dorang pake api sampe dong pe kota samua angus tabakar. Tuhan Allah biking bagitu la orang tau, orang-orang yang tara iko Tuhan Allah pe mau akan dapa hukuman.

2 Petrus 2:9

Jadi, conto-conto itu biking jelas, Tuhan Allah pasti kase slamat Dia pe umat dari dorang pe sengsara. Dia me akan tahang orang-orang yang tara biking Dia pe mau, kong nanti di hari kiamat, Dia mo hukum pa dorang itu.

2 Petrus 3:7

Kong cuma deng bicara lagi, Tuhan Allah jaga langit deng bumi skarang, sampe di waktu Dia mo hukum pa orang-orang yang tara iko Dia pe mau deng Dia mo biking dorang mati slama-lamanya. Di waktu itu, Dia mo bakar kase abis dunia deng langit ini.

1 Yohanes 4:17

Tuhan Allah pe sayang itu biking torang butul-butul baku sayang iko Dia pe mau, supaya nanti di hari kiamat, waktu Tuhan mo adili pa samua orang, torang tara tako, karna waktu torang hidup di dunia ini, torang iko sama deng yang Tuhan Yesus biking.

Yudas 1:6

Bagitu lagi deng malaekat-malaekat. Tuhan Allah so kase kuasa pa dorang, tapi ada dia pe batas. Cuma ada dari malaekat-malaekat itu yang tara puas deng dong pe batas kuasa yang Tuhan Allah kase, jadi dorang kaluar kase tinggal dong pe tampa tinggal di sorga. Malaekat-malaekat itu, Tuhan Allah ika pa dorang deng rante yang tara bisa talapas, kong tahang pa dorang di tampa yang paling galap, sampe di waktu Tuhan mo adili pa manusia.

Yudas 1:7

Bagitu lagi yang jadi di kota Sodom deng Gomora, deng kota-kota laeng yang baku dekat deng dua kota itu. Orang-orang di kota-kota itu jaga baseks sabarang, deng baseks iko napsu yang tara pantas dorang biking. Karna itu, dorang dapa hukuman di api yang tara mati-mati, kong itu jadi conto untuk kase inga pa samua orang, orang jahat pasti mo dapa hukum dari Tuhan.