Matius 1:18 - Perjanjian Baru Bahasa Melayu Maluku Utara

¹⁸ Yesus Kristus lahir, pe carita bagini: Maria, Yesus pe mama itu so baku janji mo kawing deng Yusuf. Maria ini bolong tau laki-laki, tau-tau dia so hamil. Maria hamil karna Roh Kudus.

Matius 1:18 ပူးပေါင်းရင်းမြစ်များ

Matius 1:1

Yesus Kristus itu turunan dari raja Daud deng bapa Abraham. Ini Dia pe orang tua dulu-dulu pe nama-nama:

Matius 12:46

Waktu Yesus masi bicara deng orang banya itu, Dia pe mama deng Dia pe sudara-sudara datang kong badiri di luar, dorang berusaha mo baku dapa la bacarita deng Dia.

Matius 2:11

Kong waktu dorang maso di dalam ruma, dong lia Anak itu ada deng Dia pe mama, Maria. Turus, dong berlutut semba pa Anak itu. Dorang buka dong pe tampa harta kong kase kaluar barang-barang mahal yang dong bawa la kase pa Anak itu. Barang-barang yang dong kase itu: mas, kemenyan deng minya wangi mur.

Lukas 1:25

Elisabet bilang bagini, “Tuhan so kase Dia pe bae pa kita. Dia tolong sampe kita bole jadi hamil, kong kita tara malu lagi pa orang-orang.”

Lukas 2:5

Yusuf deng dia pe calon kawing Maria, barangkat sama-sama supaya dorang daftar dong dua pe nama di sana. Waktu itu, Maria sementara hamil.

Ibrani 10:5

Kong karna binatang korban persembahan pe dara itu tara cukup untuk hapus manusia pe dosa, itu yang biking sampe Yesus Kristus bilang bagini waktu Dia datang di dunia, “Tuhan Allah, Tuhan tara mau binatang korban persembahan deng persembahan-persembahan laeng, tapi Tuhan Allah so sadia Kita pe badan untuk jadi persembahan pa Tuhan Allah.

Ibrani 7:26

Yesus Kristus itu cocok skali jadi torang pe Imam Basar yang kase bae-bae torang pe hubungan deng Tuhan Allah, barang Dia itu Kudus, Dia tarada sala, deng Dia tara perna biking dosa. Tuhan Allah taru pa Yesus Kristus di tampa yang jao dari orang-orang berdosa, kong Dia angka pa Yesus Kristus di tampa yang paling terhormat di sorga.