Matius 1:1 - Perjanjian Baru Bahasa Melayu Maluku Utara

¹ Yesus Kristus itu turunan dari raja Daud deng bapa Abraham. Ini Dia pe orang tua dulu-dulu pe nama-nama:

Matius 1:1 ပူးပေါင်းရင်းမြစ်များ

Matius 1:18

Yesus Kristus lahir, pe carita bagini: Maria, Yesus pe mama itu so baku janji mo kawing deng Yusuf. Maria ini bolong tau laki-laki, tau-tau dia so hamil. Maria hamil karna Roh Kudus.

Matius 1:2

Abraham pe ana Ishak, Ishak pe ana Yakub, Yakub pe ana Yehuda, deng Yehuda pe sudara-sudara yang laeng.

Matius 15:22

Di situ ada ibu satu orang Kanaan yang pe asal dari daera itu, jadi dia bukang orang Yahudi. Ibu itu datang pa Yesus kong bamohon pa Yesus deng suara yang kuat, “Bapa, raja Daud pe turunan, kasiang pa kita ka! Kita pe ana parampuang ada kemasukan setang kong dia sengsara skali.”

Matius 3:16

Abis Yohanes baptis pa Yesus, Yesus kaluar dari aer. Waktu itu suda, langit tabala kong Yesus lia Tuhan Allah pe Roh sama deng burung pombo turung di atas pa Dia.

Matius 9:27

Abis itu, Yesus pigi dari situ. Kong ada dua orang buta iko-iko pa Dia deng babataria, “Bapa, Raja Daud pe turunan, kasiang pa torang ka!”

Lukas 1:33

Dia akan jadi Raja pa samua bangsa Israel pe turunan, kong Dia tetap Berkuasa sebagai Raja sampe slama-lamanya.”

Yohanes 7:42

Di Kitab Suci ada bilang, nanti Mesias mo datang dari raja Daud pe turunan, kong dari kota kacil Betlehem di daera Yudea, raja Daud pe asal.”

Kisah Para Rasul 2:30

Raja Daud itu nabi yang kase turus Tuhan Allah pe pasáng, jadi dia tau Tuhan Allah so bajanji pa dia deng basumpa, satu orang dari Daud pe turunan mo jadi Raja, deng pasti mo jadi.

Roma 1:3

Kabar Bae itu tentang Anak Allah yang datang di dunia sebagai manusia, Dia lahir dari raja Daud pe turunan.

Roma 4:13

Tuhan Allah janji mo kase dunia pa Abraham deng pa dia pe turunan, bukang karna Abraham jaga iko aturan di lima kitab Musa, tapi karna Abraham percaya pa Tuhan Allah, itu sampe Tuhan Allah biking dia jadi orang yang tara sala pa Tuhan Allah pe muka.

Roma 9:5

Dorang itu me turunan dari Abraham, Ishak deng Yakub, kong dari turunan ini Yesus Kristus lahir sebagai manusia untuk mo kase slamat pa manusia. Yesus Kristus itu suda Tuhan Allah, Dia pe kuasa lebe basar dari samua yang ada. Jadi Dia yang pantas dapa puji sampe slama-lamanya. Amin.

Galatia 3:16

Bagitu lagi deng Tuhan Allah pe janji-janji yang Dia biking pa Abraham deng Abraham pe turunan. Di Kitab Suci itu, tara tatulis Tuhan Allah kase Dia pe janji itu pa “Abraham pe turunan-turunan” sama deng janji itu untuk banya orang, tapi ada tulis, Dia kase Dia pe janji itu cuma pa “Abraham pe turunan” saja, jadi itu pe maksut, janji itu cuma pa satu orang saja, Dia itu Yesus Kristus.

1 Timotius 2:5

Barang, Tuhan Allah itu cuma satu. Deng cuma ada satu saja yang bisa kase bae-bae ulang Tuhan Allah deng manusia pe hubungan. Dia itu Kristus Yesus yang jadi manusia.

2 Timotius 2:8

Inga bae-bae, Yesus Kristus itu, raja Daud pe turunan, Dia mati tapi Tuhan Allah kase hidup ulang pa Dia lagi. Jadi, ini suda Kabar Bae yang kita salalu kase tau di mana-mana.

Wahyu 22:16

Yesus bilang lagi, “Kita ini Yesus. Kita so utus Kita pe malaekat untuk kase tau samua hal yang mo jadi ini pa ngoni, la ngoni me kase tau ini pa jemaat-jemaat. Kita ini raja Daud pe turunan. Kita ini sama deng bintang yang paling tarang yang basinar kalu so amper siang di sabla timur.”