Markus 12:3 - Perjanjian Baru Bahasa Melayu Maluku Utara

³ Tapi dorang tangka orang karja itu kong pukul pa dia, turus suru dia pulang tara bawa apa-apa.

Markus 12:3 ပူးပေါင်းရင်းမြစ်များ

1 Tesalonika 2:15

Orang Yahudi dulu yang bunu pa nabi-nabi deng pa Tuhan Yesus, turus skarang dorang siksa lagi pa torang. Dorang baku musu deng samua orang. Tuhan Allah paling tara suka apa yang dong biking itu.

Kisah Para Rasul 7:52

Coba ngoni bilang, nabi mana yang ngoni pe orang tua dulu-dulu tara perna siksa? Mala dorang bunu pa nabi-nabi yang kase tau Yesus, Orang yang butul itu mo datang. Kong ngoni me sama saja deng dorang. Ngoni tau Dia so datang, tapi ngoni bahianat deng bunu pa Dia.

Matius 15:22

Di situ ada ibu satu orang Kanaan yang pe asal dari daera itu, jadi dia bukang orang Yahudi. Ibu itu datang pa Yesus kong bamohon pa Yesus deng suara yang kuat, “Bapa, raja Daud pe turunan, kasiang pa kita ka! Kita pe ana parampuang ada kemasukan setang kong dia sengsara skali.”

Markus 12:2

Bagitu so musim bapete anggur, dia suru dia pe orang karja satu pigi pa orang-orang yang jaga kobong itu untuk minta dia pe bagian.

Markus 12:4

Abis itu, tuang kobong itu suru pa dia pe orang karja laeng lagi, pigi pa orang-orang yang jaga kobong itu. Orang karja ini me dorang pukul pa dia sampe dia pe kapala pica, deng dorang kase malu pa dia.