Lukas 9:50 - Perjanjian Baru Bahasa Melayu Maluku Utara

⁵⁰ Tapi Yesus bilang pa dorang, “Jang larang pa dia! Karna orang yang tara malawang pa torang, dia itu torang pe tamang.”

Lukas 9:50 ပူးပေါင်းရင်းမြစ်များ

Matius 12:30

Orang yang tara iko pa Kita, dia musu pa Kita. Kong orang yang tara tolong pa Kita la kumpul orang-orang supaya percaya pa Kita, dia itu yang biking orang-orang jao dari Kita.

Matius 17:24

Waktu Yesus deng Dia pe murit-murit sampe di kota Kapernaum, orang-orang yang jaga batagi pajak untuk Ruma Ibada Pusat datang pa Petrus kong batanya pa dia, “Bapa pe Guru jaga bayar Ruma Ibada Pusat pe pajak ka tarada?”

Matius 17:26

Kong Petrus jawab, “Tantu orang laeng.” Turus, Yesus bilang pa dia, “Butul itu. Jadi dorang pe ana-ana sandiri tara perlu babayar pajak.

Markus 9:38

Yohanes kase tau pa Yesus bagini, “Guru, torang lia ada satu orang user setang pake Guru pe nama. Turus torang larang pa dia, barang dia itu bukang torang pe tamang.”

Markus 9:41

Jadi ngoni inga bae-bae: sapa yang bantu pa ngoni karna ngoni iko pa Kristus, biar dia cuma kase ngoni aer satu galas saja, orang yang bantu itu pasti dapa upah dari Tuhan.”

Lukas 11:23

Orang yang tara iko pa Kita, dia musu pa Kita. Kong orang yang tara tolong pa Kita la kumpul orang-orang supaya percaya pa Kita, dia itu yang biking orang-orang jao dari Kita.”

Lukas 16:13

Satu orang karja tara bisa bakarja satu kali pa dua tuang. Karna kalu dia pe tuang dua, pasti dia binci tuang yang satu kong tuang yang laeng dia sayang. Atau dia mo lebe setia pa dia pe tuang yang satu dari dia pe tuang yang satu lagi. Bagitu lagi deng ngoni, kalu ngoni hidup cuma mo kumpul harta dunia, tara mungkin ngoni mo karja untuk Tuhan Allah deng sunggu-sunggu.”

1 Korintus 12:3

Karna itu, skarang kita mau ngoni tau, orang yang Tuhan Allah pe Roh ada pa dia pe diri, tara mungkin dia mo kutuk pa Yesus. Bagitu lagi, cuma orang yang ada Roh Kudus pa dia pe diri yang bisa bilang, “Yesus itu Tuhan”.