Lukas 9:28 - Perjanjian Baru Bahasa Melayu Maluku Utara

²⁸ Kira-kira delapan hari abis Yesus bilang bagitu, Dia pangge pa Petrus, Yohanes deng Yakobus pigi nae di gunung satu la berdoa di sana.

Lukas 9:28 ပူးပေါင်းရင်းမြစ်များ

Matius 14:23

Waktu Yesus so suru orang banya itu pulang, Dia nae di bukit untuk berdoa di situ sandiri. Waktu so malam, Yesus masi sandiri di situ.

Matius 5:1

Waktu Yesus lia ada bagitu banya orang yang iko pa Dia, Dia nae di bukit satu. Dia dudu ka bawa, kong Dia pe murit-murit ka sana badekat pa Dia.

Markus 1:35

Dia pe amper siang, Yesus bangun kong kaluar dari ruma. Dia pigi di tampa sunyi kong berdoa di situ.

Markus 6:46

Waktu orang banya itu so pulang, Yesus nae di bukit untuk berdoa.

Lukas 3:21

Waktu Herodes bolong kase maso pa Yohanes di penjara, Yohanes ada baptis banya orang. Termasuk Yesus, dia baptis. Waktu Yesus dapa baptis, Dia berdoa kong langit tabalá.

Lukas 5:16

Tapi Yesus biasa pigi di tampa-tampa yang sunyi untuk berdoa.

Lukas 6:12

Satu kali bagini, Yesus pigi di gunung satu untuk berdoa. Di situ, Dia berdoa satu malam anteru pa Tuhan Allah.

Lukas 8:51

Waktu dorang so sampe di Yairus pe ruma, Yesus tara kase bae orang-orang maso di dalam. Yang bisa maso di situ cuma Petrus, Yohanes, Yakobus deng ana itu pe papa deng mama.

Lukas 9:18

Satu kali, Yesus berdoa sandiri. Dia pe murit-murit me ada di situ dekat deng Dia. Abis berdoa, Yesus batanya pa Dia pe murit-murit, “Yang ngoni dengar, orang-orang jaga bilang Kita ini sapa?”

Yohanes 6:3

Kong Yesus nae di gunung satu, turus Dia dudu deng Dia pe murit-murit di situ.

2 Korintus 13:1

Ini akan jadi yang ketiga kali kita mo pigi lia pa ngoni. Inga apa yang so tatulis di Kitab Suci, “Kalu ada orang yang dapa tudu biking sala, musti ada dua atau tiga orang yang jadi saksi untuk bilang orang itu sala.”

Ibrani 5:7

Waktu Yesus Kristus hidup di dunia ini, Dia berdoa kong minta sunggu-sunggu sampe babataria deng mamanangis pa Tuhan Allah yang punya kuasa untuk kase lapas pa Dia dari kematian. Tuhan Allah dengar Dia pe doa itu, barang Dia butul-butul iko Tuhan Allah pe mau.

2 Petrus 1:16

Torang so kase tau pa ngoni tentang torang pe Tuhan Yesus Kristus pe kuasa, deng tentang Dia mo datang ulang di dunia ini. Yang torang kase tau itu bukang carita-carita dulu-dulu yang torang karang sandiri, tapi tong tau samua itu karna torang so lia Dia pe hebat deng torang pe mata kapala sandiri.