Lukas 8:56 - Perjanjian Baru Bahasa Melayu Maluku Utara

⁵⁶ Ana itu pe papa deng mama jadi herang skali. Tapi Yesus larang dorang kase carita pa sapa-sapa tentang apa yang jadi itu.

Lukas 8:56 ပူးပေါင်းရင်းမြစ်များ

Matius 8:4

Abis itu, Yesus bilang pa orang itu, “Inga e, jang ngana bilang pa sapa-sapa, Kita kase sembu pa ngana. Tapi ngana pigi pa imam, supaya dia lia ngana so sembu, deng ngana kase ngana pe binatang korban persembahan untuk Tuhan Allah, sama deng yang nabi Musa parenta. Ngana biking bagitu supaya jadi bukti pa orang-orang, ngana memang butul-butul so sembu.”

Matius 9:30

Waktu itu suda, dorang dua so bisa dapa lia. Kong Yesus bilang pa dorang deng tegas, “Jang ngoni kase tau pa sapa-sapa bagimana sampe ngoni bisa dapa lia.”

Lukas 5:14

Kong Yesus larang orang itu carita pa sapa-sapa, Dia yang so kase sembu. Yesus bilang, “Ngana pigi pa imam supaya dia lia ngana so sembu, deng ngana kase ngana pe binatang korban persembahan untuk Tuhan Allah, sama deng yang nabi Musa parenta. Ngana biking bagitu supaya jadi bukti pa orang-orang, ngana memang butul-butul so sembu.”

Lukas 8:55

Kong ana itu hidup ulang, turus badiri. Abis itu Yesus suru dorang kase makang pa ana itu.