Lukas 8:18 - Perjanjian Baru Bahasa Melayu Maluku Utara

¹⁸ Karna itu, dengar bae-bae apa yang Kita bilang ini. Barang, kalu orang tarima apa yang Kita bilang, nanti Tuhan Allah mo bantu dia mangarti lebe banya. Tapi orang yang tara tarima apa yang Kita bilang, apa yang dia anggap dia so mangarti, Tuhan Allah akan ambe dari dia.”

Lukas 8:18 ပူးပေါင်းရင်းမြစ်များ

Matius 13:12

Barang, kalu orang tarima apa yang Kita bilang, nanti Tuhan Allah mo bantu dia mangarti lebe banya. Tapi orang yang tara tarima apa yang Kita bilang, apa yang dia so tau, Tuhan Allah akan ambe dari dia.

Matius 25:29

Barang, kalu orang tarima apa yang Kita bilang, nanti Tuhan Allah mo bantu dia mangarti lebe banya. Tapi orang yang tara tarima apa yang Kita bilang, apa yang dia so tau, Tuhan Allah akan ambe dari dia.

Markus 13:14

Yesus bilang, “Nanti ada satu orang yang paling malawang pa Tuhan Allah mo datang. Orang itu mo badiri di dalam Ruma Ibada Pusat, di tampa yang paling tara pantas untuk dia. (Sapa yang baca ini, perhatikan bae-bae la bole mangarti dia pe arti). Kalu orang yang paling malawang itu so badiri di situ, orang-orang yang ada di daera Yudea itu lebe bae lari basambunyi suda di gunung-gunung.

Lukas 19:26

Raja itu bilang pa dorang bagini, ‘Kita kase inga pa ngoni e, orang yang rajin urus apa yang ada kase percaya pa dia, dia akan lebe dapa kase percaya lagi. Tapi orang yang pamalas urus apa yang ada kase percaya pa dia, apa yang ada pa dia biar cuma sadiki me, akan dapa ambe dari dia.

Lukas 9:44

“Dengar deng perhatikan bae-bae yang Kita bilang ini. Nanti Anak Manusia yang dari sorga mo dapa serakan pa orang-orang.”

Yohanes 15:2

Kong Kita pe umat sama deng anggur pe cabang-cabang. Cabang-cabang yang babua, Dia potong sadiki supaya bersi kong lebe banya babua lagi, baru cabang-cabang yang tara babua, Dia potong kong buang.

Kisah Para Rasul 10:33

Jadi, kita langsung suru pa dorang pigi ambe pa bapa, kong pe untung skali bapa mau datang kamari. Skarang torang samua so ada di sini, pa Tuhan Allah pe muka. Torang mo dengar samua yang Tuhan Allah suru bapa bilang pa torang.”

Kisah Para Rasul 17:11

Orang-orang Yahudi di kota Berea tara sama deng orang-orang Yahudi di kota Tesalonika. Dorang lebe siap tarima ajaran dari Paulus. Karna itu, dorang suka skali badengar deng tarima Kabar Bae tentang Yesus. Tiap hari dorang cari tau dari Kitab Suci, yang Paulus kase ajar itu butul ka tarada.

Roma 12:3

Tuhan Allah kase Dia pe bae pa kita, sampe Dia so pili pa kita. Karna itu, kita kase nasehat pa ngoni bagini: jang ngoni pikir tinggi-tinggi tentang ngoni pe diri. Tapi lebe bae ngoni pikir yang pas tentang ngoni pe diri, iko ngoni pe percaya yang Tuhan Allah so kase pa ngoni satu-satu.

1 Korintus 14:37

Kalu ada orang yang rasa dia ada karunia untuk kase turus pasáng dari Tuhan Allah, atau kalu dia rasa dia ada karunia yang laeng dari Roh Kudus, dia itu musti sadar, apa yang kita bilang ini, itu butul-butul parenta dari Tuhan Allah.

1 Korintus 3:18

Kalu ngoni anggap ngoni pe diri pande, itu ngoni so tipu ngoni pe diri sandiri, karna ngoni cuma pande di manusia pe muka saja. Lebe bae, ngoni tarima Tuhan Allah pe ajaran. Deng bagitu, biar manusia di dunia anggap ngoni bodo, tapi Tuhan Allah anggap ngoni pande.

1 Korintus 8:2

Kalu ada orang yang kira kata, dia so tau banya hal, sebenarnya yang dia tau itu masi bolong lengkap.

Filipi 3:4

Dulu, kita lagi pikir sala, sama deng dorang yang bilang kata, manusia bisa jadi Tuhan Allah pe umat asal dapa sunat. Padahal tara bagitu. Jadi, kalu ada orang yang pikir kata, dia ada alasan untuk taru harap di apa yang manusia biking, apalagi kita.

Ibrani 2:1

Jadi, karna Yesus itu yang paling hebat, torang musti lebe pegang kuat ajaran yang torang so dengar tentang Dia, supaya jang ada orang yang pengaru pa torang sampe torang mulai kase tinggal torang pe percaya.