Lukas 6:20 - Perjanjian Baru Bahasa Melayu Maluku Utara

²⁰ Yesus haga pa Dia pe murit-murit kong bilang bagini, “Paling sanang suda ngoni yang tarada apa-apa, karna ngoni jadi Tuhan Allah pe umat yang Dia Berkuasa sebagai Raja.

Lukas 6:20 ပူးပေါင်းရင်းမြစ်များ

Matius 11:5

orang buta so bisa dapa lia, orang lumpu so bisa bajalang, orang lepra so sembu, orang pongo so bisa dengar, orang mati so hidup ulang, deng orang miskin so dengar Kabar Bae dari Tuhan Allah.”

Matius 25:34

Waktu itu, Anak Manusia yang so jadi Raja itu mo bilang pa orang-orang yang ada pa Dia pe sabla kanan, ‘Datang kamari suda ngoni yang Kita pe Bapa berkati! Datang suda di tampa yang Kita Berkuasa sebagai Raja, Kita so kase sadia tampa untuk ngoni di situ dari pertama waktu dunia ini jadi.

Matius 5:1

Waktu Yesus lia ada bagitu banya orang yang iko pa Dia, Dia nae di bukit satu. Dia dudu ka bawa, kong Dia pe murit-murit ka sana badekat pa Dia.

Lukas 12:32

Yesus bilang lagi, “Ngoni yang iko pa Kita cuma sadiki, sama deng domba-domba satu kelompok kacil. Tapi biar bagitu me jang ngoni tako! Karna ngoni pe Bapa sanang skali ngoni mo sama-sama deng Dia Berkuasa sebagai Raja.

Lukas 13:28

Waktu itu, ngoni akan manangis deng menderita skali. Barang ngoni lia pa Abraham, Ishak deng Yakub ada sama-sama deng samua nabi di Tuhan Allah pe tampa Berkuasa sebagai Raja, baru ngoni yang tara dapa maso di situ, dapa user kaluar.

Lukas 14:15

Waktu Yesus bilang bagitu, satu orang yang dudu makang sama-sama di situ, bilang pa Dia bagini, “Pe sanang skali orang yang nanti mo sama-sama makang di tampa Tuhan Allah Berkuasa sebagai Raja.”

Lukas 16:25

Tapi Abraham bilang bagini, ‘Ana e, inga dulu waktu ngana masi hidup di dunia, ngana so dapa samua yang bae. Tapi kasiang Lazarus, selama hidup, dia cuma dapa samua yang tara bae saja. Jadi skarang dia dapa sanang di sini, kong ngana dapa sengsara.

Lukas 4:18

“Tuhan Allah pe Roh ada pa Kita. Barang Dia so pili pa Kita untuk kase tau Kabar Bae pa orang-orang susa. Dia so utus pa Kita

Kisah Para Rasul 14:22

Di tampa-tampa itu, Paulus deng Barnabas kase kuat orang-orang percaya pe hati deng kase nasehat supaya dorang tetap batahang percaya pa Tuhan Yesus. Paulus deng Barnabas bilang pa dorang, “Kalu torang mau jadi Tuhan Allah pe umat yang Dia Berkuasa sebagai Raja, torang akan dapa banya sengsara.”

2 Korintus 6:10

Biar torang dapa banya susa, torang pe hati tetap saja rasa sanang. Biar torang tara ada doi, tapi torang so bantu banya orang la percaya pa Yesus Kristus, itu sama deng torang biking dorang jadi kaya. Deng biar torang tara ada apa-apa di dunia, tapi sebenarnya torang dapa samua-samua dari Tuhan.

2 Korintus 8:2

Biar jemaat-jemaat itu dapa banya penderitaan yang barát, tapi Tuhan Allah biking dorang pe hati tetap sanang skali. Deng biar lagi dorang hidup susa skali, tapi dorang pe hati bae sampe dong bisa bantu talebe-lebe pa orang laeng.

2 Korintus 8:9

Sebenarnya kita tara perlu suru ngoni bantu pa dorang, barang ngoni so tau Yesus Kristus torang pe Tuhan pe bae yang Dia so kase pa ngoni. Biar Dia punya samua-samua yang ada, tapi karna Dia sayang pa torang, Dia kase tinggal samua itu supaya jadi manusia yang tara punya apa-apa. Dia biking bagitu la torang dapa banya yang bae dari Tuhan Allah.

1 Tesalonika 1:6

Turus, torang pe cara hidup itu ngoni iko. Conto itu dari Tuhan sandiri. Biar ada orang yang siksa pa ngoni, Roh Kudus bantu pa ngoni sampe ngoni tetap tarima Kabar Bae deng sanang.

2 Tesalonika 1:5

Waktu torang dengar ngoni pe kabar bagitu, torang tau, samua yang Tuhan Allah biking itu adil. Ngoni skarang dapa siksa karna percaya pa Tuhan, tapi ngoni tetap percaya pa Dia. Jadi ngoni pantas jadi Tuhan Allah pe umat yang Dia Berkuasa sebagai Raja pa ngoni pe hidup.

Yakobus 1:12

Orang yang dapa cobaan kong batahang deng tetap percaya pa Tuhan, dia itu orang yang paling sanang. Karna kalu dia berhasil lolos dari samua cobaan itu, dia mo dapa hadia. Hadia itu, hidup deng Tuhan Allah slama-lamanya. Itu yang Tuhan Allah so janji mo kase pa orang-orang yang sayang pa Dia.

Yakobus 2:5

Sudara-sudara yang kita sayang, dengar yang kita mo bilang ini: orang miskin yang ada di dunia ini, Tuhan Allah so pili pa dorang la butul-butul percaya pa Dia. Dorang itu yang mo jadi Tuhan Allah pe umat yang Dia Berkuasa sebagai Raja pa dorang pe hidup, sama deng yang Dia so janji pa samua orang yang sayang pa Dia.

Wahyu 2:9

Kita tau ngoni so dapa siksa, baru ngoni miskin lagi. Tapi Tuhan lia ngoni kaya karna ngoni percaya butul-butul pa Tuhan. Kita tau lagi tentang orang-orang Yahudi yang bilang kata, dorang Tuhan Allah pe umat yang Dia pili, padahal dorang pe kalakuang tara iko Tuhan Allah pe mau. Dorang bicara tara bae tentang ngoni. Dorang itu sama deng jemaat yang semba pa Iblis, setang-setang pe raja.