Lukas 6:19 - Perjanjian Baru Bahasa Melayu Maluku Utara

¹⁹ Samua orang di situ berusaha mo bapegang pa Yesus, barang ada kuasa yang kaluar dari Dia pe badan yang biking dorang samua jadi sembu.

Lukas 6:19 ပူးပေါင်းရင်းမြစ်များ

Matius 14:36

Kong dorang bamohon pa Yesus supaya Dia kase ijin pa orang-orang saki, la dorang pegang pa Dia biar cuma pa Dia pe ujung juba. Jadi, samua orang saki yang bapegang pa Dia jadi sembu.

Markus 3:10

Barang, Dia so kase sembu banya orang, jadi orang-orang yang saki me banya lagi yang datang baku-baku gepe untuk bapegang pa Dia.

Markus 5:30

Pas dia sontong, Yesus rasa ada kuasa yang kaluar dari Dia. Turus Dia babale kong tanya pa orang-orang banya, “Sapa yang sontong Kita pe juba?”

Markus 6:56

Di mana saja Yesus pigi, di kampong-kampong, di kota-kota, sampe di pedalaman me, dorang taru orang-orang saki di tampa rame yang Yesus mo lewat. Dorang bamohon pa Dia supaya kase ijin pa orang-orang saki la dorang pegang pa Dia, biar cuma pa Dia pe ujung juba saja. Jadi samua orang saki yang bapegang pa Dia jadi sembu.

Markus 8:22

Waktu Yesus deng Dia pe murit-murit sampe di Betsaida, ada babarapa orang bawa orang buta satu pa Yesus. Dorang bamohon pa Yesus la Yesus taru Dia pe tangan pa orang itu supaya dia sembu.

Lukas 5:17

Satu kali, Yesus mangajar di ruma satu. Waktu itu ada babarapa orang Yahudi dari aliran fanatik yang pe nama Farisi deng ada lagi guru agama Yahudi yang ahli lima kitab Musa. Dorang itu dudu dengar Dia mangajar. Dorang datang dari samua kampong di daera Galilea deng Yudea, deng dari kota Yerusalem lagi. Tuhan Allah pe kuasa ada pa Yesus sampe Dia bole kase sembu orang-orang saki.

Lukas 6:18

Dorang datang la mo dengar Yesus pe ajaran, deng lagi supaya Dia kase sembu pa dorang dari dong pe panyake, deng orang-orang yang kemasukan setang me bole jadi bae.

Kisah Para Rasul 19:12

Biar cuma lengso atau kaeng yang Paulus perna pake kong orang taru pa orang-orang saki, orang-orang itu langsung bae. Bagitu lagi, kalu lengso itu dong taru pa orang-orang yang ada kemasukan setang, setang itu langsung kaluar.

1 Petrus 2:9

Tapi ngoni ini suda yang Tuhan Allah so pili jadi Dia pe umat, kong biking ngoni jadi sama deng imam yang jaga layani pa Dia yang jadi torang pe Raja. Dia kase pisa pa ngoni dari samua orang untuk jadi Dia pe umat sandiri, kong ngoni jadi Dia pe rakyat yang pe hati bersi pa Dia pe muka. Ngoni jadi bagitu, supaya ngoni bole kase tau pa orang-orang hal-hal luar biasa yang Dia so biking. Dia itu suda yang so pangge pa ngoni kaluar dari galap, maso pa Dia pe tarang yang luar biasa.