Lukas 4:38 - Perjanjian Baru Bahasa Melayu Maluku Utara

³⁸ Waktu dorang kaluar dari ruma ibada itu, Yesus pigi pa Simon pe ruma. Simon pe mama mantu ada damang tinggi. Jadi, dong minta Yesus kase sembu pa dia.

Lukas 4:38 ပူးပေါင်းရင်းမြစ်များ

Matius 15:23

Tapi Yesus sama skali tara bilang apa-apa pa ibu itu. Kong Dia pe murit-murit badekat ka sana pa Dia kong bamohon, “Guru, lebe bae Guru suru dia pigi suda, karna dia bataria turus di torang pe balakang.”

Matius 4:24

Dari situ, kabar tentang Yesus tasiar sampe di samua tampa di daera Siria. Jadi, dong bawa banya orang saki pa Dia. Orang-orang saki yang dong bawa pa Yesus itu pe panyake macam-macam: ada yang sengsara karna rasa saki, ada yang kemasukan setang, ada yang mati-mati ayam, deng ada yang lumpu, kong Yesus kase sembu pa dorang samua itu.

Yohanes 11:22

Tapi skarang me kita tau, apa saja yang Tuhan minta pa Tuhan Allah, Dia pasti kase.”

Yohanes 11:3

Kong karna Lazarus saki barát, Lazarus pe sudara parampuang dua itu suru orang pigi kase kabar pa Yesus, bilang, “Tuhan, Tuhan pe tamang yang Tuhan sayang itu, ada saki barát.”

1 Korintus 9:5

Torang me ada hak untuk kawing deng parampuang yang percaya pa Tuhan Yesus. Kong kalu kita ada bini, dia me bole kita bawa waktu tong bajalang jao kase tau Kabar Bae pa orang-orang, sama deng rasul yang laeng ada bawa dong pe bini yang percaya pa Tuhan, bagitu lagi Tuhan Yesus pe sudara-sudara deng Petrus. Iyo, to?