Lukas 24:26 - Perjanjian Baru Bahasa Melayu Maluku Utara

²⁶ Nabi-nabi so bilang Mesias, Raja yang Tuhan Allah janji mo kase slamat pa manusia, Dia itu musti dapa siksa dulu, baru Dia dapa puji deng hormat di sorga.”

Lukas 24:26 ပူးပေါင်းရင်းမြစ်များ

Lukas 24:44

Kong Dia bilang pa dorang, “Kita bilang ini pa ngoni waktu Kita masi sama-sama deng ngoni: samua yang tatulis tentang Kita di lima kitab Musa, nabi-nabi laeng pe kitab, deng kitab Mazmur, samua itu musti mo jadi.”

Lukas 24:46

Dia bilang pa dorang, “Di Kitab Suci tatulis, Kita, Mesias, Raja yang Tuhan Allah janji mo kase slamat pa manusia musti menderita, mati, kong di hari yang ketiga Kita mo hidup ulang.

Lukas 24:7

Dia bilang, ‘Orang mo serakan Anak Manusia pa orang-orang berdosa, kong dorang mo kase salib pa Dia. Tapi di hari yang ketiga Dia itu mo hidup ulang.’ ”

Yohanes 2:22

Jadi nanti, abis Dia mati deng hidup ulang, Dia pe murit-murit dapa inga yang Dia perna bilang ini, kong dorang lagi percaya Kitab Suci deng kata-kata yang Yesus so bilang.

Yohanes 20:9

Barang, dari dulu sampe waktu itu, dorang bolong mangarti Kitab Suci pe isi yang bilang, Yesus itu mo mati kong hidup ulang.

Kisah Para Rasul 17:3

Paulus kase mangarti pa dorang Kitab Suci pe arti deng bilang, “Mesias, Raja yang Tuhan Allah janji itu, Kitab Suci bilang Dia musti dapa siksa, mati kong hidup ulang. Dia itu Yesus suda, yang kita jaga kase tau pa ngoni la ngoni percaya pa Dia.”

Ibrani 12:2

Mari suda torang biking turus sama deng orang yang iko lomba itu, jang lia kiri-kanan tapi lia pa Yesus turus. Barang, Dia yang pimpin pa torang, supaya torang bole percaya pa Tuhan Allah, deng Dia yang biking torang pe percaya jadi sempurna. Waktu dapa salib, Dia tetap batahang. Deng biar Dia dapa hina, Dia tara peduli, karna Dia tau, abis itu, Dia akan sanang. Skarang, Dia so ada di tampa yang terhormat, pa Tuhan Allah pe sabla kanan di sorga.

1 Petrus 1:11

Yesus Kristus pe Roh yang ada pa nabi-nabi itu yang kase tau pa dorang tentang Dia mo dapa sengsara, deng abis itu dapa puji deng hormat. Jadi, nabi-nabi itu me cari tau lagi bagimana deng tempo apa itu mo jadi.

1 Petrus 1:3

Puji suda pa Tuhan Allah, Dia itu torang pe Tuhan Yesus Kristus pe Bapa. Dia pe rasa kasiang pa torang basar skali, sampe Dia kase pa torang hidup yang baru waktu Dia so kase hidup ulang pa Yesus Kristus. Kong karna itu, torang bole baharap deng percaya sunggu-sunggu pa Dia.