Lukas 24:19 - Perjanjian Baru Bahasa Melayu Maluku Utara

¹⁹ Yesus tanya pa dorang, “Apa yang so jadi kong?” Dorang jawab, “Ini tentang apa yang jadi pa Yesus dari Nazaret, Dia itu Nabi, yang jaga kase turus Tuhan Allah pe pasáng. Dia ponong deng kuasa waktu Dia mangajar deng waktu Dia biking mujizat. Tuhan Allah deng samua orang me bilang apa yang Dia biking itu butul samua.

Lukas 24:19 ပူးပေါင်းရင်းမြစ်များ

Matius 21:11

Kong orang banya itu jawab, “Dia itu Yesus, Nabi dari Nazaret di daera Galilea!”

Markus 1:24

“Ee, Yesus orang Nazaret! Jang iko campur deng torang pe urusan. Jang kase mati pa torang. Kita tau Ngana sapa. Ngana ini Orang Suci dari Tuhan Allah.”

Lukas 24:18

Turus satu orang dari dorang, dia pe nama Kleopas, bilang pa Yesus, “Cuma Bapa saja yang datang di Yerusalem yang tara tau apa yang so jadi baru-baru ini?”

Lukas 7:16

Samua orang yang lia apa yang jadi itu, dorang tako kong puji deng hormat pa Tuhan Allah bagini, “Nabi basar satu so ada pa torang di sini! Tuhan Allah butul so datang untuk tolong pa Dia pe umat!”

Yohanes 3:2

Satu kali bagini, dia datang pa Yesus malam-malam, kong bilang bagini, “Guru, torang tau, Guru ini yang Tuhan Allah utus untuk kase ajar pa torang. Barang, tara ada satu orang yang bisa biking mujizat-mujizat macam deng yang Guru biking, kalu Tuhan Allah tara sama-sama deng dia.”

Yohanes 4:19

Parampuang itu bilang pa Dia, “Oo, kita jadi tau skarang, Bapa ini nabi yang jaga kase turus Tuhan Allah pe pasáng.

Yohanes 6:14

Waktu orang-orang lia mujizat yang Yesus biking itu, dorang bilang, “Dia ini suda, Nabi yang Tuhan Allah perna janji mo datang di dunia ini.”

Yohanes 7:52

Kong dorang bilang pa dia, “Bikiapa kong bapa bela pa Dia? Bapa ini bukang orang Galilea to? Coba bapa priksa bae-bae di Kitab Suci. Di situ bapa bole tau, tara perna ada nabi yang datang dari daera Galilea, biar cuma satu me, tarada.”

Kisah Para Rasul 10:38

Tuhan Allah pili pa Yesus dari Nazaret kong kase Dia pe Roh Kudus deng kase Dia pe kuasa. Abis itu, Yesus bajalang bakuliling kong biking banya barang yang bae, deng kase sembu pa orang-orang yang Iblis kuasai, barang Tuhan Allah ada sama-sama deng Dia.

Kisah Para Rasul 2:22

Turus Petrus bilang lagi, “Ee, sudara-sudara orang Israel! Dengar bae-bae yang kita mo bilang pa ngoni ini. Tuhan Allah yang utus pa Yesus orang Nazaret itu, kong itu so jelas waktu Yesus biking mujizat-mujizat deng tanda-tanda yang kase tunju Tuhan Allah pe kuasa sampe biking orang herang. Samua itu so jadi di ngoni pe tenga-tenga, sama deng yang ngoni so tau.

Kisah Para Rasul 7:22

Di situ, Musa dapa kase ajar orang Mesir pe ajaran samua. Karna itu, dia jadi pande bicara deng samua dia bisa biking.