Lukas 23:50 - Perjanjian Baru Bahasa Melayu Maluku Utara

⁵⁰ Ada satu orang dia pe nama Yusuf. Dia itu anggota agama Yahudi pe kumpulan yang paling tinggi yang pe nama Mahkama Agama. Dia itu orang bae-bae deng hidup butul pa Tuhan Allah pe muka.

Lukas 23:50 ပူးပေါင်းရင်းမြစ်များ

Lukas 2:25

Waktu itu di Yerusalem, ada satu orang dia pe nama Simeon. Dia itu hidup butul pa Tuhan Allah pe muka deng dia dengar-dengaran pa Tuhan Allah. Deng dia ada tunggu waktu yang nanti Tuhan Allah mo kase slamat pa bangsa Israel. Kong Roh Kudus salalu sama-sama deng dia.

Kisah Para Rasul 10:2

Dia ini rajin iko Tuhan Allah pe mau. Dia deng dia pe keluarga jaga semba pa Tuhan Allah. Dia jaga bantu pa orang-orang Yahudi yang susa deng dia me rajin berdoa pa Tuhan Allah.

Kisah Para Rasul 10:22

Dorang bilang pa dia, “Bagini, bapa. Torang pe komandan kompi bapa Kornelius, suru torang datang kamari. Dia hidup butul pa Tuhan Allah pe muka deng jaga semba pa Tuhan Allah. Kong samua orang Yahudi bilang dia itu orang bae-bae. Kong baru saja, Tuhan Allah pe malaekat kudus suru pa dia la undang pa bapa pigi pa dia pe ruma, supaya dia bole dengar apa yang bapa bilang.”

Kisah Para Rasul 11:24

Barnabas itu orang yang bae, Roh Kudus kuasai pa dia deng dia percaya skali pa Tuhan. Banya orang yang dengar pa dia jadi lebe percaya pa Tuhan Yesus.

Kisah Para Rasul 13:29

Turus, dorang biking samua yang nabi-nabi so bilang dari dulu tentang Dia. Dorang bunu pa Dia baru dorang kase turung pa Dia dari salib kong dong kubur pa Dia.