Lukas 22:38 - Perjanjian Baru Bahasa Melayu Maluku Utara

³⁸ Kong Yesus pe murit-murit bilang pa Dia, “Guru, coba lia, ini ada dua parang.” Yesus bilang pa dorang, “Cukup suda.”

Lukas 22:38 ပူးပေါင်းရင်းမြစ်များ

Matius 26:51

Tapi ada satu orang dari orang-orang yang jaga iko pa Yesus cabu dia pe parang kong potong imam basar pe orang karja pe talinga sampe putus.

Lukas 22:36

Turus Yesus bilang pa dorang, “Tapi skarang ini beda, sapa yang punya dompet atau tas, musti dorang bawa, deng sapa yang tara punya parang, dia musti jual dia pe juba supaya bisa bili parang.

Lukas 22:49

Waktu Yesus pe murit-murit laeng lia apa yang akan jadi itu, dorang bilang, “Guru, apa torang musti pake parang la potong pa dorang suda?”

Yohanes 18:36

Kong Yesus bilang pa dia, “Kita pe kerajaan bukang dari dunia ini. Barang, kalu Kita jadi Raja di dunia ini, pasti orang-orang yang jaga biking apa yang Kita suru so datang baku prang untuk bela pa Kita, supaya Kita tara dapa serakan pa pemimpin-pemimpin agama Yahudi. Tapi Kita pe kerajaan memang bukang di dunia ini.”

1 Tesalonika 5:8

Tapi torang ini orang yang hidup di tarang, jadi apa yang torang biking itu musti bae. Torang musti kuasai tong pe diri, deng musti percaya pa Tuhan deng sayang pa orang laeng. Kalu torang biking bagitu, nanti torang pe percaya kuat sama deng tentara yang pake baju besi. Torang lagi musti baharap deng yakin pa Tuhan Allah untuk torang pe keslamatan, sama deng torang ada pake helem di kapala.

1 Petrus 5:9

Kase kuat ngoni pe percaya pa Tuhan deng lawan pa Iblis, barang ngoni tau, bukang cuma ngoni yang dapa siksa karna percaya, tapi ngoni pe sudara-sudara yang percaya di seluru dunia ini me, dapa siksa sama deng yang ngoni rasa.