Lukas 22:33 - Perjanjian Baru Bahasa Melayu Maluku Utara

³³ Simon Petrus bilang pa Yesus, “Tuhan, biar kita maso penjara, kita siap. Kita me siap mati sama-sama deng Tuhan!”

Lukas 22:33 ပူးပေါင်းရင်းမြစ်များ

Matius 20:22

Pe dengar itu, Yesus bilang pa dorang bagini, “Ngoni tara mangarti deng apa yang ngoni minta. Kita ini nanti mo dapa banya sengsara. Apa ngoni bisa pikul penderitaan sama deng Kita?” Kong dorang jawab, “Torang bisa!”

Markus 14:29

Turus Petrus bilang pa Yesus, “Biar dorang samua pe percaya tagoyang sampe lari kase tinggal pa Guru, tapi kita tara akan.”

Markus 14:31

Tapi Petrus bakaras kong bilang bagini, “Kalu Guru mati, kita lagi iko mati, tapi kita tara akan manyangkal pa Guru.” Kong Yesus pe murit-murit yang laeng me bilang bagitu.

Lukas 22:34

Tapi Yesus bilang pa dia, “Dengar bae-bae yang Kita bilang pa ngana, Petrus, malam ini sebelum ayam bakuku, ngana so manyangkal tiga kali, bilang ngana tara kanal pa Kita.”

Lukas 22:57

Tapi Petrus manyangkal, bilang tara kanal pa Yesus. Dia bilang, “Tarada me, kita tara kanal pa Dia!”

Yohanes 13:38

Turus Yesus jawab bagini, “Ngana bilang, ngana siap mati untuk Kita? Inga bae-bae yang Kita bilang ini. Malam ini sebelum ayam bakuku, ngana so manyangkal tiga kali, bilang ngana tara kanal pa Kita.”

Kisah Para Rasul 21:13

Tapi Paulus bilang pa torang, “Bikiapa kong ngoni manangis? Ngoni bagini biking kita pe hati tamba barát. Kita siap pigi di Yerusalem biar apa saja yang mo jadi pa kita di situ. Kita so siap, bukang cuma mo dapa ika saja, tapi kita me so siap mati karna kase tau tentang Tuhan Yesus.”