Lukas 22:19 - Perjanjian Baru Bahasa Melayu Maluku Utara

¹⁹ Turus, Yesus ambe roti, kong bilang tarimakasi pa Tuhan Allah. Dia pela-pela roti itu kong kase pa dorang, Dia bilang, “Roti ini, Kita pe badan yang Kita serakan untuk ngoni. Makang ini untuk inga pa Kita!”

Lukas 22:19 ပူးပေါင်းရင်းမြစ်များ

Matius 14:19

Turus, Dia suru orang banya itu dudu di atas rumpu. Kong Dia ambe roti lima deng ikang dua itu. Dia mangada di langit kong batarimakasi pa Tuhan Allah. Abis itu, Dia pela-pela roti itu kong kase pa Dia pe murit-murit. Turus, Dia pe murit-murit kase bage-bage pa orang banya.

Matius 15:36

Abis itu, Dia ambe roti tuju deng babarapa ikang itu, kong Dia bilang tarimakasi pa Tuhan Allah. Turus Dia pela-pela roti deng ikang itu, kong kase pa Dia pe murit-murit, turus dorang kase bage-bage pa orang banya itu.

Lukas 22:17

Abis itu, Yesus ambe cawan satu kong bilang tarimakasi pa Tuhan Allah, turus Dia bilang pa Dia pe murit-murit, “Ambe ini, la ngoni satu-satu orang minum.

Lukas 22:20

Bagitu lagi abis makang, Yesus kase cawan yang ada isi anggur pa Dia pe murit-murit. Dia bilang, “Anggur dalam cawan ini, Kita pe dara yang tatumpa untuk kase sah Tuhan Allah pe janji yang baru. Kong Kita pe dara yang tatumpa itu jadi bukti, Tuhan Allah pe janji yang baru untuk manusia so jadi.

Lukas 24:30

Waktu Yesus dudu makang sama-sama deng dorang, Dia ambe roti kong bilang tarimakasi pa Tuhan Allah. Turus, Yesus pela-pela roti itu kong kase barbage pa dong dua.

Yohanes 6:23

Sementara itu, ada orang-orang laeng yang datang deng dorang pe parau-parau dari kota Tiberias. Dorang sampe di dekat tampa yang orang banya ada makang roti kalamaring, waktu Yesus abis bilang tarimakasi pa Tuhan Allah.

Yohanes 6:51

Kita ini suda makanang yang so turung dari sorga, yang bole kase hidup pa manusia. Sapa saja yang makang makanang ini, dia akan dapa hidup deng Tuhan Allah slama-lamanya. Kong makanang yang Kita mo kase itu, Kita pe badan suda, yang Kita mo kase pa samua orang di dunia ini supaya dorang bole hidup.”

1 Korintus 10:16

Waktu torang iko perjamuan, torang minum anggur dari cawan kong bilang tarimakasi pa Tuhan. Deng torang minum anggur itu, itu pe arti, Tuhan Allah so biking torang jadi satu deng Yesus Kristus pe dara yang tatumpa di kayu salib. Kong waktu torang pela-pela roti kong makang, itu pe arti, Tuhan Allah so biking torang jadi satu deng Yesus Kristus pe badan yang tapaku di kayu salib.

1 Korintus 10:4

Dorang samua me minum aer yang sama yang Tuhan Allah kase, aer itu kaluar dari batu basar satu. Batu basar itu sama deng Yesus Kristus sandiri yang ada iko sama-sama turus deng dorang.

Galatia 1:4

Tuhan Yesus Kristus yang so serakan Dia pe diri untuk tebus torang pe dosa-dosa, supaya Dia bole kase bebas pa torang dari kuasa jahat yang skarang ada di dunia ini. Dia biking samua itu, iko Tuhan Allah, torang pe Bapa pe mau.

Galatia 4:25

Jadi Hagar itu bole mo kase sama deng gunung Sinai yang ada di tana Arab, deng bole lagi kase sama deng kota Yerusalem skarang ini. Barang, orang-orang di kota Yerusalem skarang, musti iko samua aturan di lima kitab Musa untuk jadi orang yang butul pa Tuhan Allah pe muka, dorang itu sama deng orang karja yang tara hak apa-apa.

Efesus 5:2

Ngoni musti hidup baku-baku sayang, sama deng Kristus Yesus me sayang pa torang sampe Dia serakan Dia pe diri mati untuk torang. Kong apa yang Dia biking itu Tuhan Allah tarima, sama deng korban persembahan yang bobou sadap yang biking Tuhan Allah pe hati sanang.

1 Tesalonika 5:18

Ada apa saja, mo susa ka sanang ka, ngoni musti bilang tarimakasi turus pa Tuhan Allah. Barang, itu Tuhan Allah pe mau untuk samua orang yang percaya pa Kristus Yesus.

Titus 2:14

Dia yang so serakan Dia pe diri untuk mati la kase bebas pa torang dari torang pe dosa. Dia biking torang pe hati jadi bersi, sampe torang jadi Dia pe umat sandiri yang suka biking barang yang bae.

1 Petrus 2:24

Dia sandiri yang tanggung torang pe dosa waktu Dia mati di kayu salib, supaya torang bole bebas dari dosa pe kuasa, kong torang bole hidup untuk biking barang yang butul pa Tuhan Allah pe muka. Kong karna Dia pe luka-luka itu, torang jadi bae.