Lukas 19:38 - Perjanjian Baru Bahasa Melayu Maluku Utara

³⁸ Dorang bilang, “Puji pa Dia yang Tuhan Allah so utus datang kamari sebagai Raja! Skarang Tuhan Allah di sorga deng manusia di dunia so baku dame. Mari torang puji deng hormat pa Tuhan Allah yang Paling Tinggi!”

Lukas 19:38 ပူးပေါင်းရင်းမြစ်များ

Matius 2:2

Dorang tanya pa orang-orang di sana, “Di mana e, orang Yahudi pe raja yang baru lahir? Barang, torang lia bintang satu di timur yang kase tanda Dia so lahir. Torang datang skarang mo semba pa Dia.”

Matius 21:9

Orang banya yang bajalang pa Yesus pe muka deng yang iko dari balakang, puji pa Dia deng suara kuat, dong bilang bagini, “Hosana! Puji pa Dia, raja Daud pe turunan! Puji pa Dia yang Tuhan Allah so utus datang kamari! Hosana! Puji pa Tuhan Allah yang Paling Tinggi!”

Matius 25:34

Waktu itu, Anak Manusia yang so jadi Raja itu mo bilang pa orang-orang yang ada pa Dia pe sabla kanan, ‘Datang kamari suda ngoni yang Kita pe Bapa berkati! Datang suda di tampa yang Kita Berkuasa sebagai Raja, Kita so kase sadia tampa untuk ngoni di situ dari pertama waktu dunia ini jadi.

Matius 25:40

Kong nanti Raja itu akan bilang pa dorang bagini, ‘Inga bae-bae yang Kita bilang pa ngoni ini, samua yang ngoni biking untuk tolong pa satu orang dari Kita pe sudara-sudara yang orang anggap tara penting, itu sama deng ngoni so biking untuk Kita.’

Lukas 13:35

Karna itu, Tuhan Allah akan bajao dari ngoni pe kota, kong kota itu akan jadi sunyi. Dengar bae-bae e, ngoni so tara akan lia lagi pa Kita. Tapi nanti waktu Kita datang ulang, ngoni akan lia lagi pa Kita kong bilang bagini, ‘Puji pa Dia yang Tuhan Allah so utus datang kamari.’ ”

Roma 5:1

Tuhan Allah so biking torang jadi orang yang tara sala pa Dia pe muka karna torang percaya pa Yesus Kristus. Jadi torang deng Tuhan Allah pe hubungan so bae-bae ulang karna apa yang torang pe Tuhan Yesus Kristus so biking.

Efesus 1:12

Jadi torang orang Yahudi yang so kamuka baharap pa Yesus Kristus, torang bole puji deng hormat pa Tuhan Allah yang hebat.

Efesus 1:6

Jadi mari suda, torang puji pa Tuhan Allah karna Dia so kase Dia pe bae yang hebat itu pa torang. Dia kase Dia pe bae itu karna torang so percaya pa Yesus Kristus yang Dia sayang.

Efesus 3:10

Tuhan Allah pe maksut supaya samua yang bapimpin deng yang berkuasa di langit bole tau, Tuhan Allah itu tau samua hal deng tara perna abis akal untuk ator samua yang ada. Dorang bole tau itu karna dorang lia Dia biking orang Yahudi deng orang bukang Yahudi jadi satu karna skarang dorang so percaya pa Yesus Kristus.

Efesus 3:21

Jadi, torang yang so jadi Dia pe jemaat, torang yang so satu hati deng Kristus Yesus, mari suda torang puji deng hormat pa Dia sampe slama-lamanya. Amin.

Kolose 1:20

Kong deng Yesus Kristus itu lagi, Tuhan Allah biking supaya samua yang ada di bumi deng di sorga pe hubungan bole bae-bae ulang deng Dia. Hubungan deng Tuhan Allah itu jadi bae-bae ulang, karna Yesus Kristus pe dara yang tatumpa di kayu salib.

1 Timotius 1:17

Mari torang hormati pa Tuhan Allah. Dia itu Raja sagala jaman. Tarada yang bisa lia Dia, Dia ada slama-lamanya, deng Dia cuma satu saja. Puji deng hormat pa Dia sampe slama-lamanya. Amin.

1 Petrus 1:12

Yesus Kristus pe Roh itu me yang kase tau pa nabi-nabi itu kalu pasáng yang dorang jaga kase tau itu bukang untuk dorang pe diri sandiri saja, tapi untuk ngoni skarang ini. Yang dorang kase tau itu, Kabar Bae tentang Yesus Kristus. Skarang, ngoni so dengar dari orang-orang yang kase tau Kabar Bae itu pa ngoni. Dorang kase tau itu deng kuasa Roh Kudus yang dari sorga. Kong yang dorang kase tau itu, itu yang malaekat-malaekat me suka cari tau.