Lukas 19:26 - Perjanjian Baru Bahasa Melayu Maluku Utara

²⁶ Raja itu bilang pa dorang bagini, ‘Kita kase inga pa ngoni e, orang yang rajin urus apa yang ada kase percaya pa dia, dia akan lebe dapa kase percaya lagi. Tapi orang yang pamalas urus apa yang ada kase percaya pa dia, apa yang ada pa dia biar cuma sadiki me, akan dapa ambe dari dia.

Lukas 19:26 ပူးပေါင်းရင်းမြစ်များ

Matius 13:12

Barang, kalu orang tarima apa yang Kita bilang, nanti Tuhan Allah mo bantu dia mangarti lebe banya. Tapi orang yang tara tarima apa yang Kita bilang, apa yang dia so tau, Tuhan Allah akan ambe dari dia.

Matius 21:43

Yesus bilang lagi pa dorang, “Jadi ngoni inga ini bae-bae, Tuhan Allah mo ambe ngoni orang Yahudi pe hak untuk jadi Tuhan Allah pe umat yang Dia Berkuasa sebagai Raja. Kong Dia mo kase hak itu pa orang laeng, lebe-lebe pa orang-orang yang mo biking Dia pe mau. Dorang itu sama deng pohong yang dia pe bua bagus-bagus. [

Markus 4:25

Barang, kalu orang tarima apa yang Kita bilang, nanti Tuhan Allah mo bantu dia mangarti lebe banya. Tapi orang yang tara tarima apa yang Kita bilang, apa yang dia so tau, Tuhan Allah akan ambe dari dia.”

Lukas 16:3

Turus orang karja itu bilang dalam hati bagini, ‘Ado, kita pe tuang pecat pa kita. Skarang kita mo biking apa? Mo bapacol, kita tara poha. Mo baminta-minta di orang, kita malu.

Lukas 19:25

Tapi orang-orang di situ bilang pa raja, ‘Raja, bikiapa kong bagitu? Dia itu so punya doi mas spulu.’

Lukas 8:18

Karna itu, dengar bae-bae apa yang Kita bilang ini. Barang, kalu orang tarima apa yang Kita bilang, nanti Tuhan Allah mo bantu dia mangarti lebe banya. Tapi orang yang tara tarima apa yang Kita bilang, apa yang dia anggap dia so mangarti, Tuhan Allah akan ambe dari dia.”

Kisah Para Rasul 1:20

Kong Petrus bilang lagi, “Dulu raja Daud so tulis memang tentang Yudas di kitab Mazmur, bagini: ‘Biar suda dia pe tampa tinggal jadi sunyi, kong biar suda tarada orang yang tinggal di situ.’ Raja Daud me tulis lagi bagini: ‘Biar suda orang laeng ambe dia pe tugas.’

2 Yohanes 1:8

Jadi ngoni musti jaga bae-bae ngoni pe percaya pa Yesus Kristus, supaya torang pe karja kase tau Kabar Bae pa ngoni itu tetap ada dia pe guna, deng supaya ngoni tetap dapa ngoni pe upah yang Tuhan Allah so janji.

Wahyu 2:3

Kita me tau, ngoni tetap batahang percaya pa Kita, biar lagi ngoni dapa siksa deng menderita karna percaya. Biar bagitu me ngoni tara perna mundur.

Wahyu 3:11

So tara lama lagi Kita mo datang. Jadi jaga turus ngoni pe percaya pa Tuhan Allah supaya hadia makota yang Dia mo kase pa ngoni itu tarada orang yang mo rampas.