Lukas 17:20 - Perjanjian Baru Bahasa Melayu Maluku Utara

²⁰ Satu kali, ada babarapa orang Yahudi dari aliran Farisi, dong tanya pa Yesus, “Tempo apa Tuhan Allah mo Berkuasa sebagai Raja di dunia ini?” Kong Yesus bilang pa dorang, “Waktu Tuhan Allah Berkuasa sebagai Raja pa Dia pe umat, tara ada tanda-tanda lebe dulu sampe orang bisa tau.

Lukas 17:20 ပူးပေါင်းရင်းမြစ်များ

Lukas 10:11

‘Ngoni so tolak Tuhan pe Kabar Bae, jadi torang mo pigi suda. Abu dari ngoni pe kota yang ada pa torang pe kaki me, torang tada di sini la kase inga ngoni so sala pa Tuhan Allah. Skarang ngoni tanggung ngoni pe hukuman suda. Tapi ngoni inga ini e: so tara lama lagi Tuhan Allah mo Berkuasa sebagai Raja pa orang-orang yang percaya.’ ”

Lukas 14:1

Satu kali pas hari Sabat, hari yang orang agama Yahudi tara bole bakarja, Yesus pigi makang di orang aliran Farisi pe pemimpin satu pe ruma. Aliran Farisi itu yang pegang kuat agama Yahudi pe aturan sampe dorang jadi fanatik. Di situ, samua orang perhatikan turus pa Yesus untuk cari-cari Dia pe sala.

Lukas 16:16

Orang jaga ajar aturan-aturan yang ada di lima kitab Musa deng yang ada di nabi-nabi pe kitab sampe waktu Yohanes Pembaptis datang. Kong mulai waktu itu, Kabar Bae tentang Tuhan Allah mo Berkuasa sebagai Raja so tasiar di mana-mana. Kong banya orang yang berusaha karas mo jadi Dia pe umat.

Lukas 19:11

Yesus so dekat di kota Yerusalem. Karna itu, orang banya kira kata, Tuhan Allah so langsung mo Berkuasa sebagai Raja pa Dia pe umat sama deng Dia janji dulu. Karna Yesus tau itu, waktu dorang masi dengar pa Dia, Yesus tamba Dia pe carita satu pake umpama.

Yohanes 18:36

Kong Yesus bilang pa dia, “Kita pe kerajaan bukang dari dunia ini. Barang, kalu Kita jadi Raja di dunia ini, pasti orang-orang yang jaga biking apa yang Kita suru so datang baku prang untuk bela pa Kita, supaya Kita tara dapa serakan pa pemimpin-pemimpin agama Yahudi. Tapi Kita pe kerajaan memang bukang di dunia ini.”