Lukas 14:27 - Perjanjian Baru Bahasa Melayu Maluku Utara

²⁷ Sapa yang tara pikul dia pe salib, itu berarti dia tara siap menderita sampe mati deng iko pa Kita, dia itu tara pantas jadi Kita pe pengikut.

Lukas 14:27 ပူးပေါင်းရင်းမြစ်များ

Matius 10:38

Sapa yang tara pikul dia pe salib, itu berarti dia tara siap menderita sampe mati deng iko pa Kita, dia itu tara pantas mo iko pa Kita.

Matius 13:21

Tapi firman itu dorang tara simpang bae-bae di dong pe hati, jadi tara batahang lama. Kalu dorang dapa siksa deng menderita karna percaya firman itu, dorang langsung tara percaya lagi pa Tuhan.

Markus 10:21

Yesus lia pa orang itu deng rasa kasiang, kong bilang pa dia, “Tapi masi ada satu yang ngana bolong biking. Ngana pigi suda kong jual samua ngana pe harta la kase dia pe doi itu pa orang-orang miskin. Kalu ngana biking bagitu, ngana dapa harta di sorga. Abis itu, kamari suda la iko pa Kita.”

Markus 15:21

Di tenga jalang, dorang baku dapa deng satu orang dia pe nama Simon. Simon ini orang Kirene, Aleksander deng Rufus pe papa. Dia baru datang dari luar kota. Kong tentara-tentara itu paksa pa dia la pikul Yesus pe salib.

Lukas 14:28

Conto bagini: kalu ada di antara ngoni yang mo biking ruma, pasti dia mo bahitung dulu, barapa ruma itu pe biaya. Deng bagitu dia bisa dapa tau, dia pe doi cukup ka tarada untuk kase selesai ruma yang dia mo biking.

Yohanes 19:17

Waktu itu, Yesus pikul Dia pe salib kong kaluar dari kota, turus pigi di tampa satu yang dalam bahasa Ibrani pe nama Golgota, yang pe arti, ‘Tampa Tengkorak’.

Kisah Para Rasul 14:22

Di tampa-tampa itu, Paulus deng Barnabas kase kuat orang-orang percaya pe hati deng kase nasehat supaya dorang tetap batahang percaya pa Tuhan Yesus. Paulus deng Barnabas bilang pa dorang, “Kalu torang mau jadi Tuhan Allah pe umat yang Dia Berkuasa sebagai Raja, torang akan dapa banya sengsara.”

2 Timotius 1:12

Kong karna kita kase tau Kabar Bae itu, kita dapa siksa dari orang-orang yang tara suka Kabar Bae itu sampe dong kase maso pa kita di penjara. Tapi biar bagitu me, kita tara malu, karna kita tau butul Tuhan yang kita percaya itu, deng kita yakin Dia pe kuasa ada pa kita turus untuk jaga tugas yang Dia so kase percaya pa kita sampe Dia datang ulang yang kedua kali.

2 Timotius 3:12

Memang samua orang yang percaya pa Kristus Yesus deng berusaha hidup iko Dia pe mau akan dapa siksa.