Lukas 14:24 - Perjanjian Baru Bahasa Melayu Maluku Utara

²⁴ Jadi dengar bae-bae yang Kita bilang ini, samua orang yang so tolak Kita pe undangan itu, tara ada satu orang yang akan makang di Kita pe pesta ini.”

Lukas 14:24 ပူးပေါင်းရင်းမြစ်များ

Matius 21:43

Yesus bilang lagi pa dorang, “Jadi ngoni inga ini bae-bae, Tuhan Allah mo ambe ngoni orang Yahudi pe hak untuk jadi Tuhan Allah pe umat yang Dia Berkuasa sebagai Raja. Kong Dia mo kase hak itu pa orang laeng, lebe-lebe pa orang-orang yang mo biking Dia pe mau. Dorang itu sama deng pohong yang dia pe bua bagus-bagus. [

Matius 22:8

Abis itu, raja bilang pa orang-orang karja laeng bagini, ‘Pesta kawing so siap, tapi orang-orang yang kita undang itu tara pantas maso di kita pe pesta.

Lukas 14:23

Kong tuang itu bilang pa orang karja itu, ‘Kalu bagitu, ngana pigi lagi di jalang-jalang, deng di lorong-lorong di luar kota. Ngana paksa pa orang-orang yang ada di situ datang kamari supaya kita pe ruma ini ponong.’

Lukas 14:25

Abis itu, banya skali orang yang bajalang iko pa Yesus. Yesus babale pa dorang kong bilang bagini,

Yohanes 3:19

Tuhan Allah so sadia hukuman itu karna bagini: Anak Allah datang di dunia ini untuk kase tarang manusia pe hati, tapi manusia lebe suka galap daripada tarang, karna manusia pe kalakuang jahat.

Yohanes 3:36

Jadi, sapa yang percaya pa Dia pe Anak itu, dia mo dapa hidup deng Tuhan Allah slama-lamanya, kong sapa yang tara iko Anak itu pe mau, dia tara mo dapa hidup deng Tuhan Allah slama-lamanya, tapi Tuhan Allah pe hukuman ada pa dia slama-lamanya.

Yohanes 8:21

Jadi, Yesus bicara lagi waktu Dia sementara mangajar di Ruma Ibada Pusat pe kompleks bagini, “Kita mo pigi di tampa laeng, deng ngoni mo cari-cari pa Kita, tapi ngoni tara dapa pa Kita. Ngoni tara percaya pa Kita, jadi waktu ngoni mati, ngoni pe dosa-dosa tara dapa ampun. Kong di tampa yang Kita mo pigi itu, ngoni tara mungkin pigi di situ.”

Yohanes 8:24

Jadi tadi Kita bilang pa ngoni, ngoni akan mati karna ngoni pe dosa-dosa tara dapa ampun. Barang, ngoni tara percaya ‘Kita ini’ Dia suda, sama deng yang Kita so perna bilang pa ngoni.”

Kisah Para Rasul 13:46

Tapi Paulus deng Barnabas barani skali mangada pa orang-orang itu kong bilang, “Memang Tuhan Allah yang suru la torang kase tau kamuka Tuhan Allah pe firman pa orang-orang Yahudi. Tapi ngoni tara mau percaya, jadi deng bagitu, ngoni so nilai ngoni pe diri tara pantas mo dapa hidup deng Tuhan Allah slama-lamanya. Jadi, skarang torang mo pigi pa orang-orang yang bukang Yahudi supaya mo kase tau Tuhan Allah pe firman itu.