Lukas 13:17 - Perjanjian Baru Bahasa Melayu Maluku Utara

¹⁷ Pe dengar Yesus pe bicara bagitu, samua orang yang jaga malawang pa Yesus jadi malu. Tapi orang banya, dorang sanang skali karna samua yang hebat yang Yesus biking itu.

Lukas 13:17 ပူးပေါင်းရင်းမြစ်များ

Lukas 14:6

Pe dengar Yesus bilang bagitu, tarada satu orang yang barani balas Yesus pe bicara itu.

Lukas 18:43

Waktu itu suda, orang buta itu so bole dapa lia, turus dia iko pa Yesus deng puji-puji pa Tuhan Allah. Orang banya yang lia hal itu, dorang samua puji-puji pa Tuhan Allah.

Lukas 19:48

tapi dorang tara tau bagimana dia pe cara mo bunu pa Dia, karna samua orang yang tinggal di kota itu so suka skali dengar Yesus pe ajaran.

Lukas 20:40

Mulai dari situ, dorang so tara barani lagi mo batanya apa-apa pa Yesus.

Kisah Para Rasul 4:21

Pe dengar itu, pemimpin-pemimpin agama Yahudi itu larang lebe karas pa Petrus deng Yohanes. Tapi biar bagitu me, dorang kase bebas pa Petrus deng Yohanes, karna pemimpin-pemimpin itu tara tau mo hukum apa pa dong dua. Dorang me tako jang sampe orang banya itu mo mangamo, karna orang banya di situ puji pa Tuhan Allah gara-gara orang lumpu itu so jadi sembu.

2 Timotius 3:9

Tapi biar dorang coba tipu orang, dorang tara berhasil turus. Lama-lama dorang itu kantara skali tara tau apa-apa, sama deng dulu Yanes deng Yambres, kantara skali tara tau apa-apa.

Titus 2:8

Ngana musti pande pake kata-kata yang pas supaya orang tarima pa ngana kong tara dapa alasan mo kase sala pa torang. Orang yang malawang pa torang akan jadi malu sandiri.

1 Petrus 3:16

deng hati yang bersi. Deng bagitu, orang-orang yang jaga bicara tara bae tentang ngoni karna ngoni percaya pa Yesus Kristus, dorang akan malu sandiri karna yang dong bilang itu tara butul.