Lukas 12:47 - Perjanjian Baru Bahasa Melayu Maluku Utara

⁴⁷ Orang karja yang tau dia pe tuang pe mau kong tara basiap-siap atau tara biking apa yang dia pe tuang mau, dia itu mo dapa pukul hebat dari dia pe tuang.

Lukas 12:47 ပူးပေါင်းရင်းမြစ်များ

Lukas 12:41

Abis itu, Petrus batanya pa Yesus, “Tuhan, umpama yang tadi tu untuk sapa? Untuk torang saja ka untuk samua orang?”

Lukas 12:46

Tapi nanti di hari yang dia tara sangka-sangka, deng di waktu yang dia tara tau, kage-kage dia pe tuang pulang. Turus dia pe tuang mo hukum pa dia deng hukuman yang barát. Dia dapa hukuman mati. Kong dia pe nasib sama deng orang-orang yang tara setia pa Tuhan Allah.

Yohanes 12:48

Sapa saja yang tara tarima pa Kita, deng yang tara tarima Kita pe ajaran, dorang itu mo dapa hukum. Kong nanti di hari kiamat, Tuhan Allah yang mo hukum pa dorang pake Kita pe ajaran itu nanti.

Yohanes 19:11

Kong Yesus bilang pa dia, “Bapa memang ada kuasa pa Kita, tapi itu cuma Tuhan Allah yang kase kuasa itu pa bapa. Jadi, orang yang serakan Kita pa bapa, orang itu pe dosa lebe basar dari bapa pe dosa.”

Yohanes 9:41

Yesus jawab pa dorang, “Kalu ngoni buta, itu berarti ngoni tara tau apa yang butul, jadi waktu ngoni biking dosa, ngoni tara tau ngoni ada biking dosa. Tapi ngoni bilang kata, ngoni mangarti yang butul, kong ngoni tetap biking dosa, jadi Tuhan Allah bilang ngoni masi tetap ada dosa.”

Kisah Para Rasul 17:30

Dulu, torang manusia bolong tau cara mo percaya pa Tuhan Allah sampe torang biking dosa banya skali. Tapi Tuhan Allah so tara rekeng samua dosa-dosa itu. Kong skarang Tuhan Allah parenta pa samua orang di mana saja, la dorang bertobat kong iko pa Dia.

Yakobus 4:17

Jadi kalu ada orang tau hal yang bae yang musti dia biking, kong dia tara biking, itu dia so berdosa.