Lukas 12:41 - Perjanjian Baru Bahasa Melayu Maluku Utara

⁴¹ Abis itu, Petrus batanya pa Yesus, “Tuhan, umpama yang tadi tu untuk sapa? Untuk torang saja ka untuk samua orang?”

Lukas 12:41 ပူးပေါင်းရင်းမြစ်များ

Markus 13:37

Apa yang Kita pasáng pa ngoni, Kita pasáng lagi pa samua orang: bajaga-jaga suda!”

Markus 14:37

Abis berdoa, Yesus bale ka sana pa dorang, kong Dia dapa lia dorang tiga ada tasono. Turus Dia kase bangun pa dorang deng Dia bilang pa Petrus, “Simon, ngana tidor? Ngana tara mampo batahang barang satu jam untuk bajaga-jaga?

Lukas 12:47

Orang karja yang tau dia pe tuang pe mau kong tara basiap-siap atau tara biking apa yang dia pe tuang mau, dia itu mo dapa pukul hebat dari dia pe tuang.

Lukas 12:48

Tapi orang karja yang tara tau dia pe tuang pe mau kong biking yang sala sampe musti dapa pukul, dia itu cuma mo dapa pukul sadiki. Karna sapa yang Tuhan Allah so kase banya kemampuan, nanti Tuhan Allah mo tuntut lebe dari yang laeng. Kong sapa yang Tuhan Allah so kase percaya banya, Tuhan Allah mo minta tanggung jawab lebe basar lagi pa dorang.”

1 Petrus 4:7

Hari kiamat so dekat. Karna itu, ngoni musti kuasai ngoni pe diri, deng ngoni pe pikiran musti tenang supaya ngoni bisa berdoa.

1 Petrus 5:8

Ngoni musti kuasai ngoni pe diri deng bajaga-jaga! Barang Iblis, yang jadi ngoni pe musu itu, dia sama deng singa yang bajalang kasana-kamari bacari makanang la mo talang manta-manta.