Kolose 4:6 - Perjanjian Baru Bahasa Melayu Maluku Utara

⁶ Waktu ngoni bicara pa dorang, bicara bae-bae la dorang pe hati sanang deng dong suka dengar apa yang ngoni bilang. Kalu ngoni jaga bicara bae-bae bagitu, nanti ngoni akan tau apa yang pantas ngoni jawab pa tiap-tiap orang yang tanya tentang ngoni pe percaya.

Kolose 4:6 ပူးပေါင်းရင်းမြစ်များ

Matius 5:13

Yesus bilang lagi, “Ngoni itu sama deng garam di dunia yang kase sadap makanang. Bagitu lagi deng ngoni pe hidup di dunia ini, ngoni musti bawa pengaru yang bae pa orang-orang. Tapi kalu ngoni tara bawa pengaru yang bae, ngoni sama deng garam yang so jadi tawar yang tara mungkin mo barasa garam. Garam itu so tarada dia pe guna, lebe bae buang la orang injang-injang.

Markus 9:50

Ngoni yang iko pa Kita musti ada guna sama deng garam. Garam pe guna untuk biking makanang jadi sadap, tapi kalu garam itu so jadi tawar, so tara mungkin lagi mo barasa garam. Bagitu lagi deng ngoni pe hidup di dunia ini, musti ada dia pe guna untuk orang di dunia ini deng ngoni me musti hidup baku bawa bae-bae satu deng yang laeng.”

Lukas 4:22

Kong samua orang di situ yang dengar apa yang Dia bilang, kase iyo deng jadi herang deng Dia pe kata-kata pe bagus. Tapi abis itu dorang bilang bagini, “Dia itu cuma Yusuf pe Anak, to?”

Efesus 4:29

Kalu ngoni bicara, jang ada kata-kata tara bae kaluar dari ngoni pe mulu. Lebe bae, yang musti ngoni pake waktu bicara itu, kata-kata yang bisa kase kuat orang laeng pe hati, deng kata-kata yang perlu dorang dengar untuk dong pe bae.

Kolose 3:16

Ngoni musti inga turus-turus Yesus Kristus pe ajaran, deng simpang itu bae-bae di ngoni pe hati, supaya ajaran itu bisa bawa hasil yang basar pa ngoni pe hidup. Pake suda hikmat yang Tuhan Allah kase pa ngoni untuk baku kase ajar deng baku kase inga Dia pe ajaran. Pake lagi lagu-lagu mazmur, lagu-lagu yang puji pa Tuhan, deng lagu-lagu laeng yang Roh Kudus kase pa ngoni. Ngoni manyanyi suda deng hati yang bilang tarimakasi banya pa Tuhan Allah.

1 Petrus 3:15

Tapi ngoni musti hormati pa Kristus kong biking Dia jadi Raja di ngoni pe hati. Kalu ada orang yang batanya tentang ngoni pe harapan pa Tuhan Yesus, ngoni musti salalu siap bajawab pa dorang. Kong waktu ngoni bajawab, ngoni musti bajawab pa dorang itu deng bae-bae deng kase tunju ngoni pe rasa hormat,