Kolose 4:5 - Perjanjian Baru Bahasa Melayu Maluku Utara

⁵ Kalu ngoni ada di tenga-tenga orang-orang yang bolong percaya, ngoni pake suda hikmat yang dari Tuhan Allah supaya ngoni bole hidup bae-bae deng dorang. Ngoni pake suda waktu yang ada itu bae-bae, la dorang itu bole jadi percaya pa Tuhan Yesus.

Kolose 4:5 ပူးပေါင်းရင်းမြစ်များ

Matius 10:16

Yesus bilang lagi pa Dia pe murit-murit, “Dengar e! Kita utus pa ngoni pigi di tenga-tenga orang jahat, itu sama deng domba pe ana satu ekor pigi di tenga-tenga anjing utang. Jadi ngoni musti banya akal sama deng ular, deng ngoni pe hati musti tulus sama deng burung pombo.

Markus 4:11

Kong Yesus jawab, “Tuhan Allah biking ngoni bisa tau rahasia tentang bagimana Tuhan Allah Berkuasa sebagai Raja, tapi pa orang-orang laeng, hal itu Kita kase tau pake umpama,

Roma 16:19

Sudara-sudara, samua orang so dengar kabar, ngoni iko Tuhan pe ajaran turus. Karna itu, kita sanang skali deng ngoni. Tapi kita suka supaya ngoni lebe tamba tau mana yang bae, deng tara usa suda biking barang yang jahat.

Kolose 3:16

Ngoni musti inga turus-turus Yesus Kristus pe ajaran, deng simpang itu bae-bae di ngoni pe hati, supaya ajaran itu bisa bawa hasil yang basar pa ngoni pe hidup. Pake suda hikmat yang Tuhan Allah kase pa ngoni untuk baku kase ajar deng baku kase inga Dia pe ajaran. Pake lagi lagu-lagu mazmur, lagu-lagu yang puji pa Tuhan, deng lagu-lagu laeng yang Roh Kudus kase pa ngoni. Ngoni manyanyi suda deng hati yang bilang tarimakasi banya pa Tuhan Allah.

1 Tesalonika 4:12

Deng ngoni hidup bagitu, orang-orang yang tara percaya pa Tuhan Yesus akan hormati pa ngoni, karna ngoni pe cara hidup itu bagus deng ngoni tara baharap pa orang laeng.

1 Timotius 3:7

Orang yang pimpin jemaat musti punya nama bae di luar jemaat, supaya jang ada orang yang mo carita busu tentang dia, deng dia tara gampang tagoda iko Iblis pe mau.

Yakobus 1:5

Kalu ada dari ngoni yang tara tau mana yang bae yang dia musti biking, dia musti berdoa tanya pa Tuhan Allah supaya Tuhan Allah kase tau. Barang, Tuhan pe hati bae, sapa saja yang minta pa Dia, Dia tara mara tapi pasti Dia kase.

Yakobus 3:13

Kalu dari ngoni ada yang pande deng tau ator samua, dia musti kase tunju itu deng dia pe cara hidup yang bae. Dia musti pake dia pe pande itu untuk biking hal-hal bae deng hati yang tara sombong.

Yakobus 3:17

Tapi orang yang dapa pande dari Tuhan, torang tau persis bagini: pertama, dia pe hati bersi, turus dia suka dame, suka baku bawa bae deng orang, dengar-dengaran, ada rasa kasiang, deng jaga biking hal-hal bae. Dia me tara barát sabla deng tara munafik.

1 Petrus 3:1

Bagitu lagi deng ngoni bini-bini, ngoni musti dengar-dengaran pa ngoni pe laki. Deng bagitu, kalu ada dari ngoni pe laki yang tara percaya Tuhan pe firman, ngoni tara perlu bilang apa-apa pa dorang, tapi ngoni pe cara hidup yang bae itu yang jadi conto la biking dong jadi percaya.