Kolose 4:3 - Perjanjian Baru Bahasa Melayu Maluku Utara

³ Kong ngoni berdoa lagi untuk torang supaya Tuhan Allah buka jalang la torang bole kase tau Kabar Bae tentang Yesus Kristus pa orang-orang. Kabar Bae itu Tuhan Allah pe rencana tentang Yesus Kristus yang dulu tara ada orang yang tau. Kong gara-gara kita kase tau tentang rencana itu sampe kita dapa maso di dalam penjara ini.

Kolose 4:3 ပူးပေါင်းရင်းမြစ်များ

Matius 13:11

Kong Yesus jawab, “Tuhan Allah biking ngoni bisa tau rahasia tentang bagimana Tuhan Allah Berkuasa sebagai Raja, tapi pa orang laeng, tarada.

Kisah Para Rasul 14:27

Pe sampe di kota Antiokhia itu, Paulus deng Barnabas pangge jemaat samua bakumpul. Kong dorang dua kase tau samua yang Tuhan Allah so biking waktu dorang kase tau Kabar Bae tentang Yesus di dorang pe perjalanan. Dorang me carita, bagimana Tuhan Allah buka jalang supaya orang-orang bukang Yahudi jadi percaya pa Yesus.

Roma 16:25

Mari suda puji pa Tuhan Allah! Dia itu yang ada kuasa untuk biking ngoni pe percaya lebe tamba kuat, karna ngoni so dengar Kabar Bae tentang Yesus Kristus yang kita jaga kase tau pa orang-orang. Kabar Bae itu so lama skali, so deng ratus-ratus taong orang bolong tau,

1 Korintus 16:9

Barang di sini, Tuhan buka jalang pa kita untuk kase tau Kabar Bae. Itu kita pe karja yang basar deng penting, biar lagi di sini ada banya orang yang tantang pa kita.

1 Korintus 4:1

Lebe bae ngoni anggap torang ini Yesus Kristus pe orang-orang karja yang dapa kase percaya dari Tuhan Allah untuk kase tau Dia pe rencana yang mo kase slamat pa manusia. Rencana itu yang dulu orang-orang bolong tau.

2 Korintus 2:12

Waktu kita sampe di kota Troas untuk kase tau Kabar Bae tentang Yesus Kristus, kita lia Tuhan so buka jalang pa kita di sana untuk kase tau Kabar Bae itu,

Efesus 3:1

Sudara-sudara, kita Paulus dapa kase maso di penjara, barang kita kase tau Kabar Bae tentang Kristus Yesus untuk ngoni orang-orang bukang Yahudi.

Efesus 3:3

Memang, dulu bolong ada orang yang tau tentang Tuhan Allah pe rencana pa orang-orang bukang Yahudi. Tapi skarang, Tuhan Allah pe Roh Kudus so kase tau Dia pe rencana itu pa kita. Kong kita so tulis tentang Tuhan Allah pe rencana itu di surat ini, tapi cuma pende saja.

Efesus 3:4

Kong kalu ngoni baca surat ini, ngoni akan mangarti Tuhan Allah pe rencana tentang Yesus Kristus itu sama deng yang kita tau.

Efesus 3:9

Tuhan Allah yang biking samua-samua yang ada, Dia itu yang kase tugas itu pa kita, supaya samua orang dapa lia jelas Tuhan Allah pe rencana yang so deng ratus-ratus taong Dia bolong kase tau itu so jadi.

Efesus 4:1

Sudara-sudara, karna Tuhan so kase Dia pe bae yang basar itu pa torang, jadi ini nasehat dari kita yang skarang ada di penjara gara-gara kita jaga biking apa yang Tuhan suru. Tuhan so pangge pa ngoni la iko pa Dia, jadi kita bilang pa ngoni supaya ngoni hidup butul sama deng yang pantas untuk orang yang so iko pa Dia.

Filipi 1:19

barang kita tau, kita akan slamat dari sengsara ini, karna ngoni pe doa deng karna Yesus Kristus pe Roh mo tolong pa kita.

Filipi 1:7

Memang tara sala kalu kita pe perasaan sanang macam bagitu pa ngoni samua, karna ngoni samua salalu ada di kita pe hati. Barang, ngoni samua so ambe bagian untuk biking tugas yang Tuhan kase pa kita waktu kita ada di dalam penjara ini, deng waktu kita di luar penjara. Ngoni bantu pa kita, waktu kita bela Kabar Bae tentang Yesus Kristus dari orang-orang yang tantang Kabar Bae itu, deng waktu kita berusaha kase yakin pa orang-orang, Kabar Bae tentang Yesus Kristus itu butul. Tugas itu Tuhan kase pa kita karna Dia pe bae.

Kolose 1:26

Kita pe maksut, firman yang orang tua dulu-dulu bolong mangarti, skarang Tuhan Allah so kase mangarti itu pa orang-orang yang so jadi Dia pe umat.

Kolose 4:18

Salam dari kita Paulus. Cuma di bagian salam ini saja yang kita tulis deng kita pe tangan sandiri. Jang ngoni lupa, kita masi ada dalam penjara. Kita minta pa Tuhan Allah supaya Dia kase Dia pe bae pa ngoni.

1 Tesalonika 5:25

Sudara-sudara yang percaya, torang minta ngoni kase berdoa pa torang.

2 Timotius 1:16

Tapi cuma Onesiforus yang tara bagitu. Kita minta Tuhan kase tunju Dia pe rasa kasiang pa Onesiforus pe keluarga. Barang, dia banya kali hibur pa kita, dia lagi tara malu jaga datang pa kita, biar kita ada di penjara.

2 Timotius 2:9

Waktu kita kase tau Kabar Bae itu, orang-orang kase siksa pa kita. Dorang rante pa kita, turus dorang tahang pa kita di penjara sama deng kita ini orang jahat. Tapi biar dorang biking bagitu, Kabar Bae dari Tuhan Allah dorang tara bisa kase berenti.

2 Timotius 4:2

kase tau Tuhan Allah pe firman pa orang-orang. Ngana musti salalu siap kase tau firman itu di tiap waktu, biar orang mau dengar atau tarada. Kalu dorang biking sala, ngana togor pa dorang la dorang berenti. Turus ngana kase kuat dong pe hati la dong iko ajaran yang butul. Deng sementara ngana biking samua itu, ngana musti kase ajar bae-bae pa dorang deng sabar.

Filemon 1:22

Sementara itu, kita minta tolong supaya ngana kase siap kamar satu untuk kita pake di ngana pe ruma. Karna kita baharap deng yakin, Tuhan Allah mo jawab ngoni pe doa supaya kita bole mo kaluar dari penjara ini kong mo sama-sama ulang deng ngoni samua.