Kolose 4:2 - Perjanjian Baru Bahasa Melayu Maluku Utara

² Sudara-sudara, ngoni musti berdoa turus-turus. Kong waktu ngoni mo berdoa, ngoni musti perhatikan bae-bae apa yang ngoni mo bilang dalam doa itu, deng bilang tarimakasi banya pa Tuhan Allah.

Kolose 4:2 ပူးပေါင်းရင်းမြစ်များ

Matius 26:41

Bajaga-jaga deng berdoa suda, supaya jang ngoni tagoda biking dosa, karna biar ngoni pe hati suka mo iko pa Kita, tapi ngoni pe badan tara mampo.”

Markus 13:33

Jadi ngoni musti ati-ati deng bajaga-jaga! Barang, ngoni tara tau tempo apa itu mo jadi.

Lukas 18:1

Abis itu, Yesus bilang umpama satu pa Dia pe murit-murit supaya dorang turus-turus berdoa pa Tuhan Allah deng jang dong ilang smangat untuk minta tolong pa Dia.

Lukas 21:36

Tapi, ngoni musti turus-turus jaga diri bae-bae, deng berdoa supaya ngoni jadi kuat batahang untuk hadapi samua sengsara yang mo jadi itu sampe ngoni lolos dari itu. Deng bagitu, ngoni siap mo mangada pa Anak Manusia.”

Kisah Para Rasul 1:14

Dorang samua salalu bakumpul la berdoa deng satu hati. Dorang berdoa sama-sama deng babarapa parampuang, Yesus pe sudara-sudara, deng Maria Yesus pe mama.

Roma 12:12

Ngoni musti sanang suda, karna torang bole baharap deng yakin pa Tuhan. Ngoni musti sabar biar dapa siksa, deng ngoni lagi musti rajin berdoa!

Efesus 6:18

Kong di sagala waktu, ngoni musti salalu berdoa deng minta pa Tuhan Allah, kase biar suda supaya Roh Kudus yang bantu waktu ngoni berdoa. Ngoni musti salalu siap berdoa deng jang berenti berdoa lagi untuk samua orang yang so jadi Tuhan Allah pe umat.

Filipi 4:6

Jadi tara usa suda ngoni hawater tentang apa-apa. Tapi, ngoni musti berdoa suda, minta pa Tuhan Allah tentang samua hal. Ngoni kase tau suda samua ngoni pe perlu pa Tuhan Allah, deng bilang tarimakasi banya pa Dia.

Kolose 1:9

Jadi, mulai dari torang dengar tentang ngoni pe percaya itu, torang tara berenti-berenti berdoa untuk ngoni. Torang minta pa Tuhan Allah, supaya Dia pe Roh Kudus buka ngoni pe pikiran deng biking ngoni lebe mangarti tentang Tuhan Allah, supaya ngoni butul-butul tau Dia pe mau.

Kolose 2:7

Ngoni pe percaya pa Dia musti kuat, sama deng pohong pe akar yang tatanam kuat di tana. Deng ngoni pe hidup musti bagantong kuat pa Dia, sama deng ruma yang ada bangun di atas fandasi yang kuat. Kong ngoni pe percaya pa Dia me musti lebe tamba kuat, iko sama deng ajaran yang ngoni so tarima. Kong ngoni musti salalu bilang tarimakasi banya pa Tuhan Allah.

Kolose 3:15

Biar suda Yesus Kristus biking ngoni pe hati tetap tenang, karna Tuhan Allah so pangge pa ngoni untuk hidup baku bawa bae-bae satu deng yang laeng, sama deng ngoni jadi Yesus Kristus pe badan yang taika satu deng yang laeng. Kong ngoni lagi musti salalu bilang tarimakasi banya pa Tuhan Allah.

Kolose 3:17

Kong samua yang ngoni biking deng ngoni bilang, ngoni biking suda samua itu deng bae-bae, karna ngoni Tuhan Yesus pe wakil di dunia. Kong ngoni lagi musti salalu bilang tarimakasi banya pa Tuhan Allah, torang pe Bapa karna apa yang Tuhan Yesus so biking.

Kolose 4:12

Epafras lagi ada kirim salam pa ngoni. Dia satu jemaat deng ngoni, dia lagi jaga biking apa yang Kristus Yesus suru. Dia salalu berdoa sunggu-sunggu untuk ngoni. Dia minta pa Tuhan Allah supaya ngoni pe percaya pa Kristus Yesus jadi kuat deng supaya ngoni butul-butul tau Tuhan Allah pe mau.

1 Petrus 4:7

Hari kiamat so dekat. Karna itu, ngoni musti kuasai ngoni pe diri, deng ngoni pe pikiran musti tenang supaya ngoni bisa berdoa.