Kolose 4:17 - Perjanjian Baru Bahasa Melayu Maluku Utara

¹⁷ Kong nanti ngoni bilang pa Arkhipus supaya dia kase selesai dia pe pelayanan yang dia so tarima karna dia so percaya pa Tuhan.

Kolose 4:17 ပူးပေါင်းရင်းမြစ်များ

Matius 25:17

Bagitu lagi deng orang karja yang tarima doi mas dua tas. Dia kase putar doi itu, kong dia dapa untung doi mas dua tas lagi.

Kisah Para Rasul 1:17

Padahal, Yudas itu satu dari torang. Dia jaga pigi pelayanan sama-sama deng torang.”

Kisah Para Rasul 14:23

Pe abis bilang bagitu, Paulus deng Barnabas tunju penatua-penatua untuk tiap-tiap jemaat. Dorang bapuasa deng berdoa, kong serakan penatua-penatua itu pa Tuhan yang dong percaya itu supaya Dia pake pa dorang.

Kisah Para Rasul 20:28

Karna itu sudara-sudara, ngoni musti jaga bae-bae ngoni pe diri, deng jemaat yang Roh Kudus so kase pa ngoni untuk ngoni jaga. Ngoni jaga Tuhan Allah pe jemaat sama deng gembala yang jaga dia pe domba. Jemaat-jemaat itu so jadi Tuhan Allah punya, barang Dia pe Anak Yesus so mati di kayu salib untuk tebus pa torang.

Efesus 4:11

Yesus Kristus itu suda yang kase kemampuan pa Dia pe umat yang baku-baku beda: ada yang jadi Yesus Kristus pe utusan-utusan yang orang sebut rasul-rasul, ada yang jadi nabi-nabi yang jaga kase turus Tuhan Allah pe pasáng, ada yang kase tau Kabar Bae tentang Yesus Kristus di tampa yang orang-orang bolong dengar, ada yang jadi pemimpin di jemaat sama deng gembala jaga dia pe domba bae-bae, deng ada lagi yang mangajar di jemaat.

1 Timotius 4:14

Ngana musti pake bae-bae karunia yang Roh Kudus so kase pa ngana tempo hari. Karunia itu ngana tarima waktu penatua-penatua jemaat taru tangan kase berdoa pa ngana untuk utus pa ngana. Waktu itu, Tuhan Allah kase tau hal ini pa dorang, kong dorang kase tau pa ngana.

1 Timotius 4:16

Ngana musti jaga bae-bae ngana pe cara hidup, deng jaga supaya ngana cuma ajar ajaran yang butul. Ngana musti biking samua itu turus. Kalu ngana biking samua itu, Tuhan Allah mo kase slamat pa ngana deng orang-orang yang dengar pa ngana.

1 Timotius 4:6

Timotius, ngana musti kase ajar hal-hal itu turus pa orang-orang percaya supaya dorang jang iko ajaran sesat. Kalu ngana kase ajar samua itu, ngana so jadi Kristus Yesus pe pelayan yang bae. Ngana pe percaya me akan jadi kuat karna ngana iko turus ajaran yang butul yang orang ajar pa ngana dari dulu.

1 Timotius 6:20

Timotius, ngana musti jaga bae-bae samua yang Tuhan so kase percaya pa ngana. Jang ngana badekat deng orang yang bacarita hal yang tarada dia pe guna deng yang tara hormati pa Tuhan Allah. Deng jang ngana badekat pa orang yang bawa ajaran sesat, yang orang jaga bilang ‘pengetahuan’, padahal itu sala.

2 Timotius 1:6

Tempo hari waktu kita taru tangan untuk kase berdoa pa ngana, Tuhan Allah kase karunia satu pa ngana untuk biking Tuhan Allah pe karja. Jadi kita kase inga pa ngana supaya pake bae-bae karunia itu untuk biking Tuhan Allah pe karja.

2 Timotius 2:2

Ngana so dengar samua ajaran yang kita ajar pa orang banya. Ngana musti kase ajar ajaran itu pa orang laeng yang ngana bisa percaya deng yang pande mangajar. Deng bagitu dorang jadi tau kong ajar lagi ajaran itu pa orang laeng.

Filemon 1:2

Surat ini torang tulis lagi pa Apfia, torang pe sudara parampuang yang sama-sama percaya pa Tuhan, deng pa Arkhipus, torang pe tamang yang sama-sama karja karas untuk kase tau tentang Tuhan Yesus pa orang-orang. Deng surat ini lagi untuk jemaat yang biasa jaga bakumpul untuk sambayang di ngana pe ruma.