Kolose 4:12 - Perjanjian Baru Bahasa Melayu Maluku Utara

¹² Epafras lagi ada kirim salam pa ngoni. Dia satu jemaat deng ngoni, dia lagi jaga biking apa yang Kristus Yesus suru. Dia salalu berdoa sunggu-sunggu untuk ngoni. Dia minta pa Tuhan Allah supaya ngoni pe percaya pa Kristus Yesus jadi kuat deng supaya ngoni butul-butul tau Tuhan Allah pe mau.

Kolose 4:12 ပူးပေါင်းရင်းမြစ်များ

Matius 5:48

Jadi, ngoni musti sayang pa samua orang deng sempurna, sama deng ngoni pe Bapa di sorga yang sayang pa samua orang deng sempurna.”

Lukas 1:1

Bapa Teofilus yang kita hormati. Banya orang so tulis carita tentang apa yang Yesus biking waktu Dia masi sama-sama deng torang.

Lukas 22:44

Yesus pe hati menderita skali kong Dia lebe tamba kuat berdoa. Dia pe suar jatu sama deng dara ada tatetes ka tana.]

Yohanes 12:26

Sapa yang suka biking apa yang Kita suru, dia musti iko pa Kita, kong di mana saja Kita ada, dia lagi musti ada di situ. Kong sapa yang biking apa yang Kita suru, Kita pe Bapa akan hormati pa dia.”

Roma 15:14

Sudara-sudara, kita tau butul ngoni so banya biking barang yang bae, ngoni so banya mangarti Tuhan pe ajaran, deng ngoni me so mampo untuk baku kase ajar satu deng yang laeng Tuhan pe ajaran itu.

Roma 15:30

Sudara-sudara, torang so percaya pa Yesus Kristus torang pe Tuhan, deng Roh Kudus me bakarja di torang pe hati sampe torang bole baku sayang satu deng yang laeng. Karna itu, kita minta pa ngoni supaya ngoni turus-turus berdoa untuk kita pa Tuhan Allah.

1 Korintus 14:20

Sudara-sudara, mangarti bae-bae yang kita bilang tentang karunia-karunia itu, deng jang ngoni pe pikiran sama deng ana-ana. Tapi tentang barang yang jahat, ngoni pe pikiran musti sama deng ana-ana supaya ngoni tara bapikir untuk biking yang jahat.

1 Korintus 2:6

Tapi biar bagitu, kalu torang babicara pa orang-orang yang dorang pe percaya so kuat, torang bicara tentang rencana yang bijaksana. Rencana yang bijaksana itu pe asal bukang dari dunia ini, deng bukang dari orang-orang yang berkuasa di dunia ini yang nanti dorang so tara berkuasa lagi.

2 Korintus 13:11

Sudara-sudara, di ahir kita pe surat ini, kita minta ngoni samua hati sanang suda karna Tuhan. Ngoni berusaha la ngoni tamba butul-butul iko pa Tuhan Allah. Kong ngoni tarima kita pe nasehat samua ini. Ngoni hidup satu hati, deng hidup baku bawa bae-bae. Kalu ngoni hidup bagitu, Tuhan Allah yang sayang pa torang deng yang biking torang pe hati jadi tenang, akan sama-sama deng ngoni.

Galatia 1:10

Kita bilang bagitu, kita tara maksut supaya dapa puji dari manusia. Tapi kita cuma suka cari dapa puji dari Tuhan Allah. Mangkali ada dari ngoni yang pikir, kita cuma mo biking sanang manusia pe hati? Tarada kasiang. Kalu saja kita cuma suka mo biking sanang manusia pe hati, itu berarti, kita ini bukang orang yang jaga biking apa yang Yesus Kristus suru.

Galatia 4:19

Ee, ngoni yang kita anggap sama deng kita pe ana-ana, skarang kita rasa lagi kita pe hati saki skali ada pikir-pikir tentang ngoni. Saki yang kita rasa, barát sama deng saki yang parampuang ada rasa waktu mo melahirkan. Kalu ngoni pe sifat so beruba iko Yesus Kristus pe sifat, itu baru kita pe hati saki mo ilang.

Kolose 1:22

Tapi skarang, Tuhan Allah biking supaya ngoni pe hubungan bole bae-bae ulang deng Dia, karna Yesus Kristus so mati di kayu salib. Dia mati itu, supaya di Dia pe muka, ngoni jadi orang yang bersi dari dosa, tara sala apa-apa, kong tarada orang yang bisa kase sala pa ngoni.

Kolose 1:28

Jadi, kamana saja torang pigi, Yesus Kristus itu saja yang torang kase tau pa tiap-tiap orang. Torang jaga kase inga deng kase ajar pa dorang, pake hikmat yang Tuhan Allah kase pa torang, supaya pa Tuhan Allah pe muka, tiap-tiap orang itu butul-butul percaya pa Yesus Kristus.

Kolose 1:29

Karna itu, kita berusaha sunggu-sunggu biking kita pe karja ini pake kekuatan yang luar biasa, yang Yesus Kristus kase pa kita.

Kolose 1:7

Kabar Bae tentang Yesus Kristus itu ngoni so dengar dari Epafras. Dia itu torang pe tamang karja yang torang sayang. Dia rajin biking apa yang Yesus Kristus suru untuk kase kuat ngoni pe percaya.

Kolose 1:9

Jadi, mulai dari torang dengar tentang ngoni pe percaya itu, torang tara berenti-berenti berdoa untuk ngoni. Torang minta pa Tuhan Allah, supaya Dia pe Roh Kudus buka ngoni pe pikiran deng biking ngoni lebe mangarti tentang Tuhan Allah, supaya ngoni butul-butul tau Dia pe mau.

Kolose 4:9

Kita suru pa dia sama-sama deng Onesimus. Onesimus itu sama-sama satu jemaat deng ngoni, dia itu torang pe sudara yang percaya, yang setia deng yang torang sayang. Dorang dua mo kase tau pa ngoni samua yang jadi pa torang di sini.

1 Tesalonika 5:23

Tuhan Allah yang biking torang pe hati tetap tenang, jadi torang minta supaya Dia biking ngoni jadi Dia pe umat sandiri yang hidup deng hati bersi. Torang minta supaya Dia jaga ngoni pe badan, hati deng jiwa, supaya ngoni tarada sala apa-apa waktu torang pe Tuhan Yesus Kristus datang ulang.

Filemon 1:23

Epafras ada kirim salam pa ngana. Dia itu kita pe tamang yang sama-sama dapa tahang dalam penjara karna dia me jaga biking apa yang Kristus Yesus suru.

Ibrani 5:14

Tapi, sapa yang salalu lati dia pe diri sampe bisa kase beda mana yang butul deng mana yang sala, dia itu bole kase sama deng orang basar yang so bole makang makanang karas.

Ibrani 5:7

Waktu Yesus Kristus hidup di dunia ini, Dia berdoa kong minta sunggu-sunggu sampe babataria deng mamanangis pa Tuhan Allah yang punya kuasa untuk kase lapas pa Dia dari kematian. Tuhan Allah dengar Dia pe doa itu, barang Dia butul-butul iko Tuhan Allah pe mau.

Yakobus 1:1

Sudara-sudara dua blas suku Israel yang so percaya pa Yesus Kristus, yang merantau di tampa-tampa laeng. Salam dari kita, Yakobus. Kita ini orang yang jaga biking apa yang Tuhan Allah deng Tuhan Yesus Kristus suru.

Yakobus 1:4

Jang ngoni berenti percaya, tetap batahang bagitu. Kalu ngoni biking bagitu turus, ngoni pe percaya mo tamba kuat, deng ngoni pe percaya jadi sempurna deng tara kurang apa-apa.

Yakobus 5:16

Jadi lebe bae ngoni baku mangaku ngoni pe dosa deng baku kase berdoa, supaya ngoni jadi sembu. Orang yang hidup butul pa Tuhan Allah pe muka, dia pe doa ada kuasa basar skali sampe ada dia pe hasil.

2 Petrus 1:1

Sudara-sudara yang percaya, salam dari kita Simon Petrus. Kita ini orang yang jaga biking apa yang Yesus Kristus suru, deng kita ini me Dia pe utusan yang orang sebut rasul. Yesus Kristus itu Tuhan Allah, deng Dia me yang kase slamat pa torang dari dosa-dosa. Dia itu yang biking sampe ngoni percaya pa Dia sama deng torang yang so percaya pa Dia, karna Dia salalu biking barang yang butul.

Yudas 1:24

Tuhan Allah ada kuasa untuk jaga pa ngoni supaya ngoni tara taiko biking dosa. Dia me biking ngoni jadi orang yang tara sala apa-apa, kong bawa pa ngoni badiri deng hati yang paling sanang di Dia pe muka yang hebat itu.