Kolose 4:10 - Perjanjian Baru Bahasa Melayu Maluku Utara

¹⁰ Aristarkhus yang dapa penjara sama-sama deng kita di sini, ada kirim salam pa ngoni. Markus lagi yang Barnabas pe sudara sepupu itu, ada kirim salam pa ngoni. Tuhari kita so pasáng pa ngoni, jadi kalu Markus datang, ngoni tarima pa dia bae-bae.

Kolose 4:10 ပူးပေါင်းရင်းမြစ်များ

Kisah Para Rasul 12:12

Abis Petrus pikir itu sadiki, dia pigi pa Maria pe ruma. Maria itu Yohanes pe mama, kong Yohanes itu yang orang jaga pangge Markus. Di Maria pa ruma itu, banya orang percaya ada bakumpul la berdoa.

Kisah Para Rasul 12:25

Waktu Barnabas deng Saulus so abis bawa sumbangan di Yerusalem, dorang bale ulang di kota Antiokhia. Dorang ada bawa satu orang yang pe nama Yohanes, yang orang jaga pangge Markus.

Kisah Para Rasul 13:13

Paulus deng dia pe tamang-tamang balayar dari kota Pafos di pulo Siprus, pigi di kota Perga pe sabla di daera Pamfilia. Di situ, Yohanes kase tinggal pa dorang kong pulang di Yerusalem.

Kisah Para Rasul 13:5

Pe sampe di kota Salamis di pulo Siprus, dorang dua kase tau Tuhan Allah pe Kabar Bae tentang Yesus Kristus di ruma-ruma ibada agama Yahudi. Waktu itu, Yohanes yang orang jaga pangge Markus iko supaya bantu-bantu pa dorang.

Kisah Para Rasul 19:29

Kong samua tampa di kota Efesus jadi kaco. Orang-orang itu pigi rame-rame tangka pa Gayus deng Aristarkhus, barang dorang dua ini orang Makedonia yang biasa sama-sama deng Paulus. Dorang bawa pa dong dua di lapangan basar, tampa orang jaga bakumpul.

Kisah Para Rasul 20:4

Ada babarapa orang yang iko pa Paulus. Dorang itu: Sopater dari kota Berea (dia itu Pirus pe ana), Aristarkhus deng Sekundus dari kota Tesalonika, Gayus dari kota Derbe, Timotius, deng dua orang dari daera Asia Kecil yang pe nama Tikhikus deng Trofimus.

Kisah Para Rasul 27:2

Torang samua nae kapal yang baru datang dari kota Adramitium. Kapal itu mo basingga-singga di pelabuhan-pelabuhan di daera Asia Kecil. Ada satu orang lagi yang iko pa torang, dia pe nama Aristarkhus. Dia orang Makedonia dari kota Tesalonika. Torang samua balayar dari kota Kaisarea.

Kisah Para Rasul 4:36

Kong itu lagi yang Yusuf biking. Yusuf itu dari suku Lewi, lahir di pulo Siprus. (Rasul-rasul itu kase nama pa dia ‘Barnabas’, yang pe arti, ‘orang yang suka kase smangat pa orang laeng.’)

Roma 16:2

Nanti waktu dia pigi pa ngoni, kita minta supaya ngoni tarima pa dia deng bae-bae, barang dia so percaya pa Tuhan sama deng ngoni. Ngoni musti tarima pa dia deng bae-bae karna model bagitu yang orang-orang yang so jadi Tuhan Allah pe umat musti biking. Kong kita minta lagi, kalu dia perlu apa-apa pa ngoni, ngoni kase suda yang dia perlu, karna dia sandiri so kase bantuan pa banya orang deng pa kita lagi.

Roma 16:7

Kirim salam lagi pa Andronikus deng Yunias yang satu bangsa deng kita, kong yang perna maso penjara sama-sama deng kita. Waktu kita bolong percaya pa Yesus Kristus, dorang dua itu so percaya, kong samua Tuhan Allah pe utusan yang orang sebut rasul, so kanal bae pa dorang.

2 Timotius 4:11

Yang tinggal sama-sama deng kita di sini cuma Lukas. Jadi ngana pigi cari pa Markus la ngoni dua datang kamari, karna Markus bole bantu pa kita biking kita pe tugas di sini.

Filemon 1:23

Epafras ada kirim salam pa ngana. Dia itu kita pe tamang yang sama-sama dapa tahang dalam penjara karna dia me jaga biking apa yang Kristus Yesus suru.

Filemon 1:24

Deng ada salam lagi dari Markus, Aristarkhus, Demas deng Lukas. Dorang itu kita pe tamang yang sama-sama jaga kase tau Kabar Bae tentang Yesus Kristus pa orang-orang.

1 Petrus 5:13

Jemaat yang ada di kota Babel di sini, dorang kirim salam pa ngoni. Dorang me Tuhan Allah pili sama deng Dia so pili pa ngoni jadi Dia pe umat. Kong Markus yang kita so anggap kita pe ana sandiri, dia me kirim salam pa ngoni.