Kolose 3:25 - Perjanjian Baru Bahasa Melayu Maluku Utara

²⁵ Jadi sapa saja yang biking barang yang tara butul, dia mo dapa hukum dari Tuhan Allah, karna Tuhan Allah itu tara pili-pili orang waktu kase hukuman.

Kolose 3:25 ပူးပေါင်းရင်းမြစ်များ

Matius 16:27

Barang, Anak Manusia yang dari sorga mo datang ulang di dunia ini, sama-sama deng Bapa pe malaekat-malaekat deng Dia pe kuasa yang luar biasa. Kong waktu itu, Anak Manusia mo balas pa tiap orang iko deng apa yang dorang so biking.

Lukas 20:21

Jadi dorang mulai tanya pa Yesus bagini, “Guru, torang tau samua yang Guru bilang deng kase ajar itu butul. Guru me tara suka cari muka pa orang-orang. Mala Guru kase ajar yang butul tentang bagimana hidup iko Tuhan Allah pe mau.

Kisah Para Rasul 10:34

Turus, Petrus mulai bicara pa dorang, “Sudara-sudara! Skarang kita baru tau butul-butul, Tuhan Allah itu tara pili-pili orang.

Roma 2:11

Barang, Tuhan Allah tara pili-pili orang.

2 Korintus 5:10

Torang mo kase sanang Tuhan Allah pe hati, karna nanti torang samua musti mangada pa Yesus Kristus untuk dapa adili, supaya tiap orang mo dapa apa yang pantas dia dapa. Yang pantas dia dapa itu iko apa yang dia biking waktu dia tinggal di dunia ini, bae atau jahat.

Efesus 6:8

Inga, Tuhan nanti akan balas pa sapa saja yang biking apa saja yang bae. Biar lagi dia itu orang karja yang so dapa bili ka, tarada ka, Tuhan akan balas samua.

Efesus 6:9

Bagitu lagi deng ngoni tuang-tuang, ngoni me musti biking yang bae pa ngoni pe orang-orang karja yang ngoni so bili. Jang ngoni ancam pa dorang. Inga, ngoni pe Tuhan deng dorang pe Tuhan itu cuma satu. Dia ada di sorga kong Dia tara pili-pili orang.

Kolose 4:1

Ngoni tuang-tuang, ngoni musti biking apa yang butul deng adil pa ngoni pe orang-orang karja yang ngoni so bili itu. Inga, ngoni me ada yang pimpin, Dia itu Tuhan yang ada di sorga.

1 Tesalonika 4:6

Ngoni tara bole baku tidor deng orang yang bukang ngoni pe bini, apalagi deng orang percaya pe bini. Kalu sampe jadi bagitu, ngoni so biking sala pa ngoni pe sudara yang percaya itu. Torang so bilang ulang-ulang pa ngoni, Tuhan mo hukum pa orang yang biking bagitu.

2 Tesalonika 1:6

Deng karna Tuhan Allah itu adil, Dia mo balas pa orang-orang yang siksa pa ngoni.

Filemon 1:18

Deng, kalu dia so perna kase rugi pa ngana atau dia ada utang pa ngana, biar nanti kita yang tanggung samua itu.

Ibrani 2:2

Barang, ajaran yang ada di lima kitab Musa, malaekat-malaekat kase tau pa torang orang Israel pe orang tua dulu-dulu, kong ajaran itu memang butul. Turus, tiap orang yang tara iko atau tara biking ajaran itu, orang itu mo dapa hukuman iko apa yang dia langgar.

1 Petrus 1:17

Ngoni pangge Tuhan Allah itu “Bapa” waktu ngoni berdoa pa Dia. Dia itu suda yang mo adili pa samua orang tara pake pili-pili iko deng dorang pe kalakuang. Karna itu, ngoni musti hidup deng rasa tako pa Dia selama ngoni manumpang di dunia ini.

Yudas 1:16

Orang-orang itu cuma mengelu-mengelu deng suka kase sala orang laeng. Dorang hidup cuma iko dong pe keinginan tara bae. Dorang pe bicara angka-angka dong pe diri sandiri, kong suka cari muka deng baambe hati di orang la dorang dapa untung.