Kolose 2:3 - Perjanjian Baru Bahasa Melayu Maluku Utara

³ Barang, cuma deng percaya pa Yesus Kristus saja, torang bole dapa dua hal yang penting ini: torang bole tau banya hal, deng torang bole tau mana yang bae yang torang musti biking.

Kolose 2:3 ပူးပေါင်းရင်းမြစ်များ

Matius 10:26

Yesus bilang lagi, “Jadi ngoni tara usa tako pa dorang yang mo siksa pa ngoni. Karna apa yang skarang ada tasambunyi, nanti orang mo dapa tau, deng samua rahasia akan tabongkar.

Lukas 11:49

Samua itu jadi, karna Tuhan Allah yang paling tau, dulu Dia perna bilang bagini, ‘Kita mo utus Kita pe nabi-nabi deng utusan-utusan pigi kase turus Kita pe pasáng pa orang-orang Israel, kong orang-orang Israel itu yang mo bunu pa dorang sebagian, deng ada laeng lagi dorang mo siksa.’

Roma 11:33

Bukang maeng, pe luar biasa skali Tuhan Allah! Dia tau samua hal, deng Dia tau ator samua. Tarada satu orang yang bisa mangarti Dia pe keputusan, deng tarada orang yang tau maksut dari apa yang Dia so biking.

1 Korintus 1:24

Tapi biar bagitu, ada orang Yahudi deng orang yang bukang Yahudi yang Tuhan Allah pangge jadi Dia pe umat. Kong untuk dorang samua, Kabar Bae tentang Yesus Kristus itu yang kase tunju Tuhan Allah pe kuasa, deng Tuhan Allah pe hikmat.

1 Korintus 1:30

Barang, Tuhan Allah sandiri yang buka jalang untuk ngoni, supaya ngoni bole percaya pa Kristus Yesus. Deng bagitu, torang bole tau Tuhan Allah pe rencana yang bijaksana untuk kase slamat pa manusia. Yesus Kristus itu yang biking torang jadi orang yang tara sala pa Tuhan Allah pe muka deng yang biking torang jadi Dia pe umat, deng Yesus me yang tebus torang pe dosa-dosa.

Efesus 1:8

Dia pe bae itu Dia kase talebe-lebe pa torang, kong Dia biking torang bijaksana deng biking torang mangarti banya hal tentang Dia pe rencana.

Kolose 1:19

Barang, Tuhan Allah mau supaya samua Dia pe sifat deng kuasa ada pa Yesus Kristus pe diri.

Kolose 1:28

Jadi, kamana saja torang pigi, Yesus Kristus itu saja yang torang kase tau pa tiap-tiap orang. Torang jaga kase inga deng kase ajar pa dorang, pake hikmat yang Tuhan Allah kase pa torang, supaya pa Tuhan Allah pe muka, tiap-tiap orang itu butul-butul percaya pa Yesus Kristus.

Kolose 1:9

Jadi, mulai dari torang dengar tentang ngoni pe percaya itu, torang tara berenti-berenti berdoa untuk ngoni. Torang minta pa Tuhan Allah, supaya Dia pe Roh Kudus buka ngoni pe pikiran deng biking ngoni lebe mangarti tentang Tuhan Allah, supaya ngoni butul-butul tau Dia pe mau.

Kolose 3:16

Ngoni musti inga turus-turus Yesus Kristus pe ajaran, deng simpang itu bae-bae di ngoni pe hati, supaya ajaran itu bisa bawa hasil yang basar pa ngoni pe hidup. Pake suda hikmat yang Tuhan Allah kase pa ngoni untuk baku kase ajar deng baku kase inga Dia pe ajaran. Pake lagi lagu-lagu mazmur, lagu-lagu yang puji pa Tuhan, deng lagu-lagu laeng yang Roh Kudus kase pa ngoni. Ngoni manyanyi suda deng hati yang bilang tarimakasi banya pa Tuhan Allah.

Kolose 3:3

Barang, ngoni so tara iko dunia pe mau lagi, jadi bole bilang, ngoni pe hidup yang lama so mati sama-sama deng Yesus Kristus. Skarang ngoni so percaya pa Dia jadi so satu hati deng Dia yang hidup sama-sama deng Tuhan Allah. Tapi orang-orang yang tara percaya pa Tuhan tara mampo mangarti ngoni pe hidup yang baru ini.

2 Petrus 1:5

Jadi karna Tuhan Allah so kase samua itu untuk ngoni, ngoni musti berusaha karas supaya ngoni pe percaya itu jadi lengkap deng ngoni hidup yang butul pa Dia pe muka. Kong bukang cuma itu saja, tapi ngoni musti berusaha la ngoni bisa tau apa yang Tuhan Allah suka.

Wahyu 2:17

Jadi dengar bae-bae apa yang Tuhan Allah pe Roh kase tau pa Dia pe jemaat-jemaat, bagini, ‘Sapa yang menang dari pengaru jahat, nanti Kita kase pa dia makanang dari sorga yang orang sebut manna yang tasambunyi. Nanti Kita mo kase lagi pa dia batu puti satu yang ada tatulis dia pe nama baru. Nama baru itu, cuma orang yang tarima batu itu saja yang tau, orang laeng tara tau.’ ”