Kolose 2:21 - Perjanjian Baru Bahasa Melayu Maluku Utara

²¹ “Jang pegang ini”, “Jang makang itu”, “Jang sontong ini”.

Kolose 2:21 ပူးပေါင်းရင်းမြစ်များ

2 Korintus 6:17

Karna itu Tuhan Allah bilang lagi bagini, “Ngoni kaluar suda dari dorang pe tenga-tenga, dorang yang tara percaya. Ngoni bapisa dari dorang. Jang ngoni iko dorang biking dosa, supaya jang ngoni jadi orang yang tara bersi pa Kita pe muka. Iko yang Kita bilang ini la Kita tarima pa ngoni.

Kolose 2:20

Sudara-sudara, ngoni so jadi satu hati deng Yesus Kristus jadi ngoni pe hidup yang lama sama deng so mati sama-sama deng Dia, sampe ngoni so bebas dari roh-roh yang berkuasa di dunia ini. Jadi bikiapa kong ngoni masi suka iko aturan-aturan di dunia yang macam bagini:

Kolose 2:22

Tara usa iko suda! Aturan-aturan itu manusia anggap penting jadi suru orang iko, padahal aturan-aturan itu cuma tentang makang deng minum yang tara tahang lama, abis makang deng minum, so abis suda.

1 Timotius 4:3

Dorang kase ajar kata, orang tara bole kawing, deng tara bole makang makanang yang dorang bilang haram. Padahal, Tuhan Allah so biking samua makanang la torang makang. Jadi kalu torang yang percaya yang iko ajaran yang butul itu mo makang, bole, asal makang deng bilang tarimakasi pa Tuhan Allah.