Kolose 2:20 - Perjanjian Baru Bahasa Melayu Maluku Utara

²⁰ Sudara-sudara, ngoni so jadi satu hati deng Yesus Kristus jadi ngoni pe hidup yang lama sama deng so mati sama-sama deng Dia, sampe ngoni so bebas dari roh-roh yang berkuasa di dunia ini. Jadi bikiapa kong ngoni masi suka iko aturan-aturan di dunia yang macam bagini:

Kolose 2:20 ပူးပေါင်းရင်းမြစ်များ

Yohanes 15:19

Kalu misalnya ngoni ini sama deng dorang, pasti dorang sayang pa ngoni sama deng ngoni jadi dorang pe ana-ana. Tapi ngoni ini beda deng dorang. Kita pili pa ngoni supaya ngoni beda deng dorang, jadi dorang binci pa ngoni.

2 Korintus 10:3

Memang torang manusia biasa, tapi kalu ada orang yang malawang Tuhan pe firman, torang tara lawan pa dorang pake manusia pe cara.

Galatia 4:3

Bagitu lagi deng torang manusia. Waktu Tuhan Yesus bolong datang kase slamat pa torang, torang itu masi jaga iko aturan-aturan di dunia ini, macam deng ana kacil iko-iko dia pe orang tua pe parenta.

Galatia 6:14

Tapi untuk kita, kita tara mau sama skali puji diri tentang apa yang kita so biking. Kita cuma mo puji torang pe Tuhan Yesus Kristus deng tentang apa yang Dia so biking di kayu salib, barang Yesus Kristus mati dapa salib untuk kase bebas pa kita dari kita pe dosa. Karna waktu Dia mati itu, itu sama deng samua kita pe keinginan so iko dapa salib sama-sama deng Dia. Jadi kita so tara tapengaru iko dunia pe mau lagi.

Efesus 2:15

Skarang, karna deng Yesus Kristus mati di kayu salib, Dia biking supaya torang yang percaya pa Dia tara perlu lagi iko aturan-aturan di lima kitab Musa untuk dapa slamat dari dosa-dosa. Kong karna itu, torang orang Yahudi yang jaga iko aturan itu, deng ngoni orang yang bukang Yahudi yang tara iko aturan itu, bole jadi satu kelompok yang baru karna torang samua so satu hati deng Yesus Kristus, kong Dia biking torang bole hidup baku bawa bae-bae.

Kolose 2:14

Sebenarnya, torang pantas dapa hukum tapisa deng Tuhan Allah slama-lamanya karna torang so langgar Tuhan Allah pe parenta. Tapi waktu Yesus Kristus mati di kayu salib, Tuhan Allah kase ampun torang pe dosa-dosa. Itu bole kase sama deng Dia hapus torang pe utang dari buku utang.

Kolose 2:16

Jadi sudara-sudara, dari apa yang kita baru bilang tadi, jang ada orang yang kase sala pa ngoni tentang apa yang ngoni makang deng minum. Deng jang kase biar dong kase sala pa ngoni karna ngoni tara iko agama Yahudi pe hari-hari raya, deng acara-acara di tiap bulan baru. Jang dong kase sala pa ngoni karna ngoni tara iko dong pe aturan hari Sabat, hari yang orang agama Yahudi tara bole bakarja. Dengar e, jang ngoni pusing deng dong pe bicara itu!

Kolose 2:21

“Jang pegang ini”, “Jang makang itu”, “Jang sontong ini”.

Kolose 2:8

Sudara-sudara, ngoni musti ati-ati, jang sampe ada orang yang pengaru pa ngoni untuk iko deng dong pe ajaran-ajaran agama yang tara butul. Dorang pe ajaran itu tara ada dia pe guna, karna bukang ajaran tentang Yesus Kristus. Tapi dorang pe ajaran itu dari dong pe orang tua dulu-dulu deng dari roh-roh yang berkuasa di dunia ini.

Kolose 3:3

Barang, ngoni so tara iko dunia pe mau lagi, jadi bole bilang, ngoni pe hidup yang lama so mati sama-sama deng Yesus Kristus. Skarang ngoni so percaya pa Dia jadi so satu hati deng Dia yang hidup sama-sama deng Tuhan Allah. Tapi orang-orang yang tara percaya pa Tuhan tara mampo mangarti ngoni pe hidup yang baru ini.

Ibrani 13:9

Jang ngoni iko ajaran-ajaran yang tara butul yang bole biking ngoni jadi sesat. Barang, kalu iko aturan tentang makanang yang halal deng haram, tarada dia pe guna untuk biking ngoni jadi sempurna pa Tuhan Allah pe muka. Cuma Tuhan Allah pe sayang deng pe bae yang bisa biking ngoni pe percaya pa Tuhan jadi kuat.

Yakobus 4:4

Ee, ngoni orang-orang yang tara setia pa Tuhan! Ngoni pasti tau, kalu ngoni cuma iko dunia pe mau, itu ngoni so baku musu deng Tuhan Allah. Sapa yang suka batamang deng dunia ini pe sanang, dia sandiri yang biking dia pe diri baku musu deng Tuhan Allah.

1 Yohanes 5:19

Biar Iblis kuasai seluru dunia ini, torang tau, torang ini Tuhan Allah pe ana-ana.