Kolose 2:17 - Perjanjian Baru Bahasa Melayu Maluku Utara

¹⁷ Aturan-aturan agama Yahudi itu cuma sementara, kong aturan-aturan itu pe maksut untuk kase inga pa dorang tentang apa yang penting yang dong tunggu-tunggu itu. Kong yang dong tunggu-tunggu itu so datang, Yesus Kristus, Dia itu yang lebe penting.

Kolose 2:17 ပူးပေါင်းရင်းမြစ်များ

Yohanes 1:17

Memang dari nabi Musa, torang tau Tuhan Allah pe aturan di lima kitab Musa, tapi dari Yesus Kristus, torang bole tau Tuhan Allah pe sayang deng Dia pe ajaran yang butul.

Ibrani 10:1

Cara semba pa Tuhan Allah iko aturan-aturan di lima kitab Musa, itu bole kase sama deng bayangan yang tara sama deng dia pe asli. Dia pe asli itu cara semba yang butul pa Tuhan Allah karna Yesus Kristus so datang. Kalu iko aturan-aturan itu, orang yang mo semba pa Tuhan Allah musti kase binatang korban persembahan turus-turus tiap taong. Tapi biar dong kase binatang korban persembahan turus-turus tiap taong, itu tara biking dong jadi sempurna pa Tuhan Allah pe muka.

Ibrani 8:5

Imam-imam pe tugas yang dong biking di Tuhan Allah pe Tenda Ibada di dunia itu cuma gambaran atau conto saja deng apa yang mo jadi di sorga nanti. Jadi itu sama deng dulu, waktu nabi Musa mo biking Tenda Ibada itu, Tuhan Allah bilang pa dia, “Inga e! Ngana biking Tenda itu sama persis deng yang Kita so kase tunju pa ngana di atas gunung.”

Ibrani 9:9

Ini jadi ajaran untuk torang skarang, samua binatang korban persembahan deng persembahan laeng yang imam kase pa Tuhan Allah tara bisa biking manusia pe hati jadi bersi dari dosa-dosa.