Kolose 2:14 - Perjanjian Baru Bahasa Melayu Maluku Utara

¹⁴ Sebenarnya, torang pantas dapa hukum tapisa deng Tuhan Allah slama-lamanya karna torang so langgar Tuhan Allah pe parenta. Tapi waktu Yesus Kristus mati di kayu salib, Tuhan Allah kase ampun torang pe dosa-dosa. Itu bole kase sama deng Dia hapus torang pe utang dari buku utang.

Kolose 2:14 ပူးပေါင်းရင်းမြစ်များ

Lukas 1:6

Dorang dua laki bini ini hidup butul pa Tuhan Allah pe muka, deng dong iko samua Dia pe parenta deng aturan-aturan, kong tarada yang bisa kase sala pa dorang.

Kisah Para Rasul 3:19

Jadi, ngoni bertobat suda kong percaya pa Tuhan Allah, supaya Dia kase ampun pa ngoni dari ngoni pe dosa-dosa.

Kolose 2:20

Sudara-sudara, ngoni so jadi satu hati deng Yesus Kristus jadi ngoni pe hidup yang lama sama deng so mati sama-sama deng Dia, sampe ngoni so bebas dari roh-roh yang berkuasa di dunia ini. Jadi bikiapa kong ngoni masi suka iko aturan-aturan di dunia yang macam bagini:

2 Tesalonika 2:7

Orang jahat itu so mulai biking dia pe karja sambunyi-sambunyi supaya orang-orang malawang pa Tuhan Allah, cuma masi ada yang tahang pa dia. Tapi ada dia pe waktu, Tuhan Allah mo kase lapas apa yang tahang pa dia.

Ibrani 7:18

Tuhan Allah bilang bagitu, karna aturan-aturan di lima kitab Musa dulu tentang imam-imam so dapa ganti. Barang, aturan-aturan itu so tarada dia pe kuasa lagi deng so tarada dia pe guna.

Ibrani 8:13

Jadi sudara-sudara, waktu Tuhan Allah bilang Dia mo biking janji yang baru lagi deng dorang, itu berarti, Dia pe janji yang lama so tara pake lagi. Janji yang lama itu so tua, kong apa yang so tua itu so tara lama mo ilang.

1 Petrus 2:24

Dia sandiri yang tanggung torang pe dosa waktu Dia mati di kayu salib, supaya torang bole bebas dari dosa pe kuasa, kong torang bole hidup untuk biking barang yang butul pa Tuhan Allah pe muka. Kong karna Dia pe luka-luka itu, torang jadi bae.