Kolose 2:1 - Perjanjian Baru Bahasa Melayu Maluku Utara

¹ Sudara-sudara yang percaya di kota Kolose, biar ngoni bolong perna baku dapa deng kita, tapi kita mau ngoni tau, kita butul-butul berusaha untuk bantu pa ngoni, pa orang-orang di kota Laodikia deng pa samua orang di tampa laeng yang bolong kanal pa kita.

Kolose 2:1 ပူးပေါင်းရင်းမြစ်များ

Lukas 22:44

Yesus pe hati menderita skali kong Dia lebe tamba kuat berdoa. Dia pe suar jatu sama deng dara ada tatetes ka tana.]

Kisah Para Rasul 20:25

Ngoni yang kita so kase tau tentang bagimana mo jadi Tuhan Allah pe umat, skarang kita so tau, ngoni akan so tara lia pa kita lagi.

Kisah Para Rasul 20:38

Dong pe hati sedi skali, lebe-lebe lagi karna Paulus bilang, dorang so tara akan baku dapa deng dia lagi. Abis itu, dorang antar pa dia di kapal.

Galatia 4:19

Ee, ngoni yang kita anggap sama deng kita pe ana-ana, skarang kita rasa lagi kita pe hati saki skali ada pikir-pikir tentang ngoni. Saki yang kita rasa, barát sama deng saki yang parampuang ada rasa waktu mo melahirkan. Kalu ngoni pe sifat so beruba iko Yesus Kristus pe sifat, itu baru kita pe hati saki mo ilang.

Filipi 1:30

Memang skarang ini, ngoni so dapa siksa dari orang yang tara suka Kabar Bae itu, kong itu sama deng siksa yang ngoni perna lia pa kita dulu, deng yang skarang ngoni dengar so jadi pa kita.

Kolose 1:24

Skarang ini kita pe hati sanang saja, karna siksa yang kita dapa waktu kase tau Kabar Bae tentang Yesus Kristus, itu untuk ngoni pe bae. Siksa itu memang musti kita rasa, karna kita karja untuk Yesus Kristus. Deng kalu kita dapa siksa, itu sama saja deng kita ambe bagian dalam siksa yang Yesus Kristus rasa untuk tolong Dia pe jemaat. Jemaat itu sama deng Dia pe badan sandiri.

Kolose 1:29

Karna itu, kita berusaha sunggu-sunggu biking kita pe karja ini pake kekuatan yang luar biasa, yang Yesus Kristus kase pa kita.

Kolose 2:5

Barang, biar lagi kita tara sama-sama deng ngoni di sana, tapi kita tetap inga pa ngoni, jadi anggap saja kita ada sama-sama deng ngoni. Kita sanang lagi, dapa dengar ngoni so satu hati kong ngoni pe percaya tetap kuat pa Yesus Kristus.

1 Tesalonika 2:2

Ngoni me tau, waktu torang bolong datang pa ngoni, torang dapa siksa deng dapa hina di kota Filipi. Tapi biar ada orang yang tantang Kabar Bae itu, Tuhan Allah tetap tolong pa torang sampe torang me barani kase tau Kabar Bae dari Tuhan Allah pa ngoni.

Ibrani 5:7

Waktu Yesus Kristus hidup di dunia ini, Dia berdoa kong minta sunggu-sunggu sampe babataria deng mamanangis pa Tuhan Allah yang punya kuasa untuk kase lapas pa Dia dari kematian. Tuhan Allah dengar Dia pe doa itu, barang Dia butul-butul iko Tuhan Allah pe mau.

1 Petrus 1:8

Biar ngoni bolong perna lia pa Yesus Kristus, tapi ngoni sayang pa Dia. Deng biar lagi skarang ngoni tara lia pa Dia, tapi ngoni percaya pa Dia. Ngoni sanang skali, sampe tara bisa bilang pake kata-kata lagi tentang ngoni pe sanang itu.

Wahyu 1:11

Suara itu bilang pa kita bagini, “Yohanes, tulis suda samua yang Kita mo kase tunju pa ngana ini di satu kitab, kong kirim di tuju jemaat ini: jemaat di kota Efesus, kota Smirna, kota Pergamus, kota Tiatira, kota Sardis, kota Filadelfia deng di kota Laodikia.”