Kolose 1:25 - Perjanjian Baru Bahasa Melayu Maluku Utara

²⁵ Tuhan Allah pili pa kita untuk biking apa yang Dia suru untuk layani Dia pe jemaat. Dia kase tugas pa kita la kase tau samua Dia pe firman pa ngoni orang-orang bukang Yahudi.

Kolose 1:25 ပူးပေါင်းရင်းမြစ်များ

1 Korintus 3:5

Jang ngoni anggap kita deng Apolos orang penting. Torang dua ini cuma orang-orang yang jaga biking apa yang Tuhan suru. Torang kase tau Kabar Bae tentang Yesus Kristus pa ngoni sampe ngoni jadi percaya. Torang cuma biking tugas yang Tuhan kase pa torang masing-masing.

1 Korintus 9:17

Barang, kalu kita kase tau Kabar Bae itu karna kita pe mau sandiri, kita me harap dapa balasan dari kita pe suar lala itu. Tapi yang kita biking itu bukang kita pe mau sandiri. Kita kase tau Kabar Bae itu, barang Tuhan Allah yang kase percaya pa kita untuk kita biking itu.

Efesus 3:2

Pasti ngoni so dengar, Tuhan Allah pe bae pa kita sampe Dia so kase tugas pa kita untuk kase tau Kabar Bae tentang Yesus Kristus pa ngoni.

Efesus 3:7

Tuhan Allah pe bae pa kita sampe Dia kase tugas pa kita untuk kase tau Kabar Bae tentang Yesus Kristus pa orang-orang. Dia pe bae pa kita itu bantu pa kita supaya kita bole biking tugas itu pake Tuhan Allah pe kuasa yang bakarja di kita pe hati.

Kolose 1:23

Yang penting, ngoni tetap percaya pa Yesus Kristus deng jang ragu. Percaya turus Kabar Bae tentang Yesus Kristus yang ngoni so dengar itu. Kabar Bae itu suda yang biking torang yakin, torang mo dapa apa yang Tuhan Allah so janji pa Dia pe umat. Kabar Bae itu so tasiar di seluru dunia, kong kita ini, Paulus yang Tuhan Allah so pili untuk kase tau Kabar Bae itu.

1 Tesalonika 3:2

turus Timotius torang pe sudara yang sama-sama percaya, torang utus pigi pa ngoni. Timotius itu torang pe tamang karja yang sama-sama kase tau Tuhan Allah pe Kabar Bae tentang Yesus Kristus. Torang utus pa Timotius la kase kuat ngoni pe hati deng kase smangat pa ngoni supaya ngoni lebe tamba percaya pa Yesus.

1 Timotius 4:6

Timotius, ngana musti kase ajar hal-hal itu turus pa orang-orang percaya supaya dorang jang iko ajaran sesat. Kalu ngana kase ajar samua itu, ngana so jadi Kristus Yesus pe pelayan yang bae. Ngana pe percaya me akan jadi kuat karna ngana iko turus ajaran yang butul yang orang ajar pa ngana dari dulu.